ഹൃദയത്തിന് ശേഷം വിനീത് ശ്രീനിവാസന്‍ തിരക്കഥ എഴുതി സംവിധാനം ചെയ്ത ചിത്രമാണ് വര്‍ഷങ്ങള്‍ക്ക് ശേഷം. പ്രണവ് മോഹന്‍ലാല്‍, ധ്യാന്‍ ശ്രീനിവാസന്‍ എന്നിവരാണ് കേന്ദ്രകഥാപത്രങ്ങള്‍. ചിത്രത്തിലെ ഒരു കഥാപാത്രത്തെ അവതരിപ്പിച്ചിരിക്കുന്നത് തമിഴ് നടന്‍ വൈ ജി മഹേന്ദ്രനാണ്. ഒരു യൂട്യൂബ് ചാനലിന് നല്‍കിയ അഭിമുഖത്തില്‍ പ്രണവിനെ കുറിച്ചുള്ള ചോദ്യത്തിന് വാചാലനാവുകയാണ് വൈ ജി മഹേന്ദ്രന്‍.
‘ഞാനും പ്രണവും ബന്ധുക്കളാണ്. പ്രണവിന്റെ അമ്മ സുചിത്രയുടെ അപ്പുപ്പനും എന്റെ അപ്പുപ്പനും സഹോദരങ്ങളാണ്. ആ നിലയില്‍ ഞങ്ങള്‍ കസിന്‍സാണ്. സുചിത്രയെ എനിക്ക് കുട്ടിക്കാലം മുതല്‍ അറിയാം. പക്ഷേ സെറ്റില്‍ വരുമ്പോഴാണ് ഞാന്‍ പ്രണവിനെ ആദ്യമായി കാണുന്നത്. കണ്ടതും പ്രണവ് വന്ന് എന്നോട് സംസാരിച്ചു. അവന്‍ സെറ്റില്‍ വളരെ ശാന്തനാണ്. ഒന്നും സംസാരിക്കില്ല. പക്ഷേ സ്‌ക്രീനില്‍ കാണുമ്പോള്‍ അവന്റെ അഭിനയം വളരെ ശക്തമാണ്. പ്രത്യേകിച്ച് വയസ്സായ ഗെറ്റപ്പില്‍. അവന്റെ ശരീര ഭാഷയും വളരെ മികച്ചതായിരുന്നു. എങ്ങനെ മോശമാകും! മോഹന്‍ലാലിന്റെ പാരമ്പര്യമാണ് അവന്റെ അഭിനയത്തിലും കാണാന്‍ സാധിക്കുന്നത്.’ വൈ ജി മഹേന്ദ്രന്‍ പറഞ്ഞു.
Recent Comments