ഹാപ്പി വെഡ്ഡിംഗിന് ശേഷം ഒമര്‍ ലുലു സംവിധാനം ചെയ്യുന്ന ആക്ഷന്‍ കോമഡി ചിത്രത്തില്‍ റഹ്‌മാന്‍ നായകനാകുന്നു. അബാം മൂവീസിന്റെ ബാനറില്‍ എബ്രഹാം മാത്യുവാണ് ചിത്രം നിര്‍മ്മിക്കുന്നത്. ചിത്രത്തിന്റെ ഷൂട്ടിംഗ് നാളെ എഴുപുന്നയില്‍ ആരംഭിക്കും.
റഹ്‌മാനൊപ്പം ധ്യാന്‍ ശ്രീനിവാസന്‍, ബാബു ആന്റണി, ബിബിന്‍ ജോര്‍ജ്, ടിനിടോം എന്നിവര്‍ താരനിരയില്‍ തലപ്പൊക്കത്തോടെ നില്‍ക്കുമ്പോള്‍ നായിക നിരയില്‍ ഷീലു എബ്രഹാമും ആരാധ്യയും ഉണ്ടാകും. അഡാര്‍ ലൗ എന്ന ഒമര്‍ ലുലു ചിത്രത്തിന്റെ കഥാകാരന്‍ സാരംഗ് ജയപ്രകാശാണ് ഈ ചിത്രത്തിനും തിരക്കഥയും സംഭാഷണവും എഴുതുന്നത്. കഥ ഒമറിന്റേതാണ്. ടൈറ്റില്‍ ആയിട്ടില്ല. ഫാമിലി എന്റര്‍ടെയ്‌നറാണ് ചിത്രം. ഒമര്‍ ഇതുവരെ കൈയ് വയ്ക്കാത്ത ആക്ഷന്‍ കോമഡി ഗണത്തിലാണ് ചിത്രം ഒരുങ്ങുന്നത്. ജോസഫ് നെല്ലിക്കല്‍ കലാസംവിധാനം നിര്‍വ്വഹിക്കുന്ന ചിത്രത്തിന്റെ ഛായാഗ്രാഹകന്‍ ആല്‍ബിയാണ്. ഹരിനാരായണന്റെ വരികള്‍ക്ക് വില്യം ഫ്രാന്‍സിസ് സംഗീതം ഒരുക്കുന്നു. പ്രൊഡക്ഷന്‍ കണ്‍ട്രോളര്‍ ഇക്ബാല്‍ പാനായികുളം. കോസ്റ്റിയൂം അരുണ്‍ മനോഹര്‍, പ്രൊഡക്ഷന്‍ എക്‌സിക്യൂട്ടീവ് ഷെറിന്‍ സ്റ്റാന്‍ലി, കോറിയോഗ്രഫി ഷെരീഫ്, ആക്ഷന്‍ തവസി രാജ്.
അമീര്‍ കൊച്ചിനും ഫ്‌ളമി എബ്രഹാമും എക്‌സിക്യൂട്ടീവ് പ്രൊഡ്യൂസറുമാകുന്ന ചിത്രത്തിന്റെ ലൈന്‍ പ്രൊഡ്യൂസര്‍ ടി.എം. റഫീക്കാണ്. മേക്കപ്പ് ജിതേഷ് പൊയ്യ, സ്റ്റില്‍സ് ജസ്റ്റിന്‍ ജെയിന്‍, ഡിസൈന്‍ മനു ഡാവിഞ്ചി.
Recent Comments