എം.എം. നിഷാദ് തിരക്കഥയെഴുതി സംവിധാനം ചെയ്യുന്ന ഒരു അന്വേഷണത്തിന്റെ തുടക്കം എന്ന സിനിമയുടെ ചിത്രീകരണം കോട്ടയത്ത് ആരംഭിച്ചു. പൂര്‍ണ്ണമായും ഇന്‍വസ്റ്റിഗേറ്റീവ് ത്രില്ലറായ ചിത്രത്തിന്റെ പ്രമേയം പിതാവും ഉയര്‍ന്ന പൊലീസ് ഉദ്യോഗസ്ഥനുമായിരുന്ന എം. കുഞ്ഞിമൊയ്തീന്റെ കേസ് ഡയറിയില്‍ നിന്നും എടുത്തതാണ്. ബെന്‍സി പ്രൊഡക്ഷന്‍സിന്റെ ബാനറില്‍ കെ.വി. അബ്ദുള്‍ നാസറാണ് ഈ ചിത്രം നിര്‍മ്മിക്കുന്നത്.
കോട്ടയം പി.ഡബ്ല്യു.ഡി. റസ്റ്റ് ഹൗസില്‍ നടന്ന ലളിതമായ ചടങ്ങില്‍ സഹകരണ വകുപ്പു മന്ത്രി വി.എന്‍. വാസവന്‍ സ്വിച്ചോണ്‍ കര്‍മ്മം നിര്‍വ്വഹിച്ചുകൊണ്ടാണ് ചിത്രീകരണത്തിനു തുടക്കമിട്ടത്. സെഞ്ച്വറി കൊച്ചുമോന്‍ എം.എ. നിഷാദ്, വിവേക് മേനോന്‍, ജോണ്‍ കുട്ടി ബിനു മുരളി, എന്നിവരും അഭിനേതാക്കളും ചേര്‍ന്ന് ഭദ്രദീപം തെളിയിച്ചിരുന്നു. റിട്ട. ക്രൈംബ്രാഞ്ച് എസ്.പി. ഷാനവാസ് ഫസ്റ്റ് ക്ലാപ്പും നല്‍കി.
സുധീര്‍ കരമന, സുധീഷ്, ബാബു നമ്പൂതിരി, കലാഭവന്‍ നവാസ്, ദുര്‍ഗാ കൃഷ്ണ, സിനി ഏബ്രഹാം, അനു നായര്‍ തുടങ്ങിയ അഭിനേതാക്കളുടെ സാന്നിദ്ധ്യവുമുണ്ടായിരുന്നു. ഇവര്‍ പങ്കെടുത്ത ഒരു രംഗമായിരുന്നു പിന്നീട് ചിത്രീകരിച്ചത്. വന്‍ താരനിരയുടെ അകമ്പടിയോടെ എത്തുന്ന ഈ ചിത്രത്തില്‍ ഷൈന്‍ ടോം ചാക്കോ, മുകേഷ്, വാണി വിശ്വനാഥ്, കലാഭവന്‍ ഷാജോണ്‍, ബൈജു സന്തോഷ്, വിജയ് ബാബു. സമുദ്രക്കനി അശോകന്‍, രമേഷ് പിഷാരടി, ജാഫര്‍ ഇടുക്കി, ജൂഡ് ആന്റെണി, കോട്ടയം നസീര്‍, സാ സ്വികാ അനുമോള്‍, ശിവദാ, ഇര്‍ഷാദ്, ജനാര്‍ദ്ദനന്‍, കുഞ്ചന്‍ ബിജു സോപാനം, സംമിനു സിജോ, പൊന്നമ്മ ബാബു, സന്ധ്യാ മനോജ്, എയ്ഞ്ചലീനാ ഏബ്രഹാം, ശ്രുതി വിപിന്‍, ജയ്‌നാ ജയ്‌മോന്‍, ജയകുമാര്‍, ജയകൃഷ്ണന്‍, പ്രമോദ് വെളിയനാട്, ഗുണ്ടുകാട് സാബു, സുന്ദരപാണ്ഡ്യന്‍, രാജേഷ് അമ്പലപ്പുഴ, അനീഷ് ഗോപാല്‍, അനീഷ് കാവില്‍, നവനീത് കൃഷ്ണ, ആര്‍.ജെ. മുരുകന്‍ എന്നിവര്‍ക്കൊപ്പം എം.എ.നിഷാദും പ്രധാന വേഷത്തിലെത്തുന്നു. പി.ആര്‍.ഒ വാഴൂര്‍ ജോസ്, ഫോട്ടോ ഫിറോഷ്, കെ. ജയേഷ്.
Recent Comments