ഏകദേശം 34 വര്‍ഷങ്ങള്‍ക്ക് ശേഷം നടന്‍ രജനികാന്ത് അമിതാഭ് ബച്ചനൊപ്പം സ്‌ക്രീന്‍ സ്‌പേസ് പങ്കിടുകയാണ് വേട്ടയാനിലൂടെ. ടിജെ ജ്ഞാനവേല്‍ സംവിധാനം ചെയ്യുന്ന ചിത്രം ഈ വര്‍ഷം ഒക്ടോബറില്‍ തിയറ്ററുകളില്‍ എത്തും. അമിതാഭ് ബച്ചനും രജനികാന്തും പരസ്പരം ആലിംഗനം ചെയ്യുന്ന ഫോട്ടോ ഇന്നലെ ചിത്രത്തിന്റെ അണിയറ പ്രവര്‍ത്തകര്‍ പങ്കുവെച്ചു.
മെയ് 3 ന് തന്റെ ബ്ലോഗിലൂടെ അമിതാഭ് ബച്ചനും രജനിയോടൊപ്പം അഭിനയിക്കുന്ന അനുഭവം പങ്കുവെച്ചിരുന്നു. ‘അദ്ദേഹത്തില്‍ ഒരു മാറ്റവുമില്ല… പഴയ അതേ വിനയാന്വിതനായ, ഡൗണ്‍ ടു എര്‍ത്ത് ഡൈനാമിക് സ്റ്റാര്‍…’ എന്നാണ് രജനിയെ കുറിച്ച് ബച്ചന്‍ പറയുന്നത്.
രജനികാന്ത്, അമിതാഭ് ബച്ചന്‍, ഫഹദ് ഫാസില്‍, റാണാ ദഗ്ഗുബതി, ദുഷാര വിജയന്‍, റിതിക സിംഗ്, മഞ്ജു വാര്യര്‍ തുടങ്ങിയവരാണ് വേട്ടയാനിലെ പ്രധാന താരങ്ങള്‍. ചിത്രത്തിന് സംഗീതം ഒരുക്കിയിരിക്കുന്നത്. അനിരുദ്ധ് രവിചന്ദറാണ്.
Recent Comments