പ്രശസ്ത നടന്മാരായ ടി.ജി രവി, മകന്‍ ശ്രീജിത്ത് രവി എന്നിവരെ നായകന്മാരാക്കി ശ്രീജിത്ത് പൊയില്‍ക്കാവ് സംവിധാനം ചെയ്യുന്ന ചിത്രമാണ് ‘വടു.’ വൈഡ് സ്‌ക്രീന്‍ മീഡിയ പ്രൊഡക്ഷന്‍സിന്റെയും നീലാംബരി പ്രൊഡക്ഷന്‍സിന്റെയും ബാനറില്‍ ഡോക്ടര്‍ മനോജ് ഗോവിന്ദന്‍, മുരളി നീലാംബരി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. വൈഡ് സ്‌ക്രീന്‍ മീഡിയ പ്രൊഡക്ഷന്‍സിന്റെ പതിമൂന്നാമത്തെ ചിത്രമാണ് വടു.
പെട്ടിമുടി ദുരന്തത്തില്‍ ശ്രദ്ധ കേന്ദ്രമായിരുന്ന കുവി എന്ന നായയെ പ്രധാന കഥാപാത്രമാക്കി ചിത്രീകരിച്ച നജസ് എന്ന ചിത്രത്തിനു ശേഷം മനോജും മുരളിയും ശ്രീജിത്തും ഒന്നിക്കുന്ന രണ്ടാമത്തെ ചിത്രം കൂടിയാണ് വടു. ഒരു അച്ഛന്റെയും മകന്റെയും സ്‌നേഹബന്ധത്തിന്റെ കഥ പറയുന്ന ഈ ചിത്രത്തില്‍ അച്ഛനായി ടിജി രവിയും മകനായി ശ്രീജിത്ത് രവിയും അഭിനയിക്കുന്നു എന്നതാണ് ചിത്രത്തിന്റെ മറ്റൊരു പ്രത്യേകത. ടി ജി രവിയുടെയും ശ്രീജിത്ത് രവിയുടെയും അഭിനയ ജീവിതത്തിലെ ഏറ്റവും മികച്ച ചിത്രങ്ങളില്‍ ഒന്നായിരിക്കും ഈ ചിത്രം എന്ന് അണിയറ പ്രവര്‍ത്തകര്‍ അവകാശപ്പെടുന്നു. തൃശ്ശൂരിലും പരിസരങ്ങളിലുമായി ജൂലൈ മധ്യത്തോടെ സിനിമയുടെ ചിത്രീകരണം ആരംഭിക്കും. പി ആര്‍ ഒ-എ എസ് ദിനേശ്.
Recent Comments