സുരാജ് വെഞ്ഞാറമൂടും വിനായകനും ആദ്യമായി ഒന്നിക്കുന്ന തെക്ക് വടക്ക് എന്ന സിനിമയിലെ ഇരുവരുടെയും ക്യാരക്ടര്‍ റിവീലിങ് ടീസര്‍ പുറത്തിരിക്കുകയാണ്. കഷണ്ടി കയറി തലയും പിരിച്ചുവച്ച കൊമ്പന്‍ മീശയുമായി വിനായകന്‍ പ്രത്യക്ഷപ്പെടുമ്പോള്‍ നരച്ച താടിയും മുടിയുമായി സുരാജ് വെഞ്ഞാമ്മൂടും പരസ്പരം മുഖം തിരിക്കുന്നതായാണ് വീഡിയോയില്‍ കാണാന്‍ കഴിയുക. മധ്യവയസ്‌ക്കാരായ കഥാപാത്രങ്ങളെയാണ് വിനായകനും സുരാജും സിനിമയില്‍ അവതരിപ്പിക്കുന്നതെന്ന് വീഡിയോയിലൂടെ നമുക്ക് വ്യക്തമാകുന്നു.
അഞ്ജന ഫിലിപ്പും വി.എ. ശ്രീകുമാറും അന്‍ജന തിയേറ്റേഴ്‌സിന്റെയും വാര്‍സ് സ്റ്റുഡിയോസിന്റെയും ബാനറില്‍ ചിത്രീകരിക്കുന്ന തെക്ക് വടക്കിന്റെ ചിത്രീകരണം പൂര്‍ത്തിയായി. പ്രേംശങ്കറാണ് സംവിധായകന്‍. എസ്. ഹരീഷിന്റെ രാത്രി കാവല്‍ എന്ന കഥയെ ആസ്പദമാക്കിയാണ് സിനിമ ഒരുക്കിയിരിക്കുന്നത്. എസ്. ഹരീഷ് തന്നെയാണ് രചന നിര്‍വ്വഹിച്ചിരിക്കുന്നത്.
മെല്‍വിന്‍ ബാബു, ഷമീര്‍ ഖാന്‍, കോട്ടയം രമേഷ്, മെറിന്‍ ജോസ്, വിനീത് വിശ്വം, ബാലന്‍ പാലക്കല്‍, ജെയിംസ് പാറക്കല്‍ തുടങ്ങിയവരും ചിത്രത്തില്‍ അഭിനയിക്കുന്നു.
ഛായാഗ്രഹണം സുരേഷ് രാജന്‍, സംഗീതം സാം സിഎസ്, വരികള്‍ ലക്ഷ്മി ശ്രീകുമാര്‍, എഡിറ്റിംഗ് കിരണ്‍ ദാസാണ്, പ്രൊഡക്ഷന്‍ ഡിസൈന്‍ രാഖില്‍, കോസ്റ്റ്യൂം ആയിഷ സഫീര്‍, മേക്കപ്പ് അമല്‍ ചന്ദ്രന്‍, ആക്ഷന്‍ മാഫിയ ശശി, ഡാന്‍സ് പ്രസന്ന മാസ്റ്റര്‍, കാസ്റ്റിങ് ഡയറക്ടര്‍ അബു വളയംകുളം, ചീഫ് അസോസിയേറ്റ് ഡയറക്ടര്‍ ബോസ് വി, പ്രൊഡക്ഷന്‍ കണ്‍ട്രോളര്‍ സജി ജോസഫ്, ഫിനാന്‍സ് കണ്‍ട്രോളര്‍ അനില്‍ ആമ്പല്ലൂര്‍, ഡിസൈന്‍ പുഷ് 360 തുടങ്ങിയവരാണ് ഈ ചിത്രത്തിന്റെ മറ്റ് അണിയറ പ്രവര്‍ത്തകര്‍.
Recent Comments