ധ്യാന്‍ ശ്രീനിവാസന്‍, അന്നാ രേഷ്മ രാജന്‍, കലാഭവന്‍ ഷാജോണ്‍ എന്നിവര്‍ പ്രധാന കഥാപാത്രങ്ങളാകുന്ന ചിത്രമാണ് കുടുംസ്ത്രീയും കുഞ്ഞാടും. പ്രവാസിയായ സണ്ണിയുടെയും കുടുംബിനിയായ ക്ലാരയുടെയും കഥ പറയുന്ന ഈ ചിത്രത്തിന്റെ ട്രെയിലര്‍ പുറത്തിറങ്ങി. ചിത്രം മെയ് 31 ന് തീയേറ്ററില്‍ പ്രദര്‍ശനത്തിനെത്തും.
മഹേഷ് പി. ശ്രീനിവാസനാണ് ചിത്രം കഥയെഴുതി സംവിധാനം ചെയ്യുന്നത്. ഇന്‍ഡി ഫിലിംസിന്റെ ബാനറില്‍ ബെന്നി പീറ്റേഴ്‌സാണ് ചിത്രം നിര്‍മ്മിക്കുന്നത്.
മണിയന്‍പിള്ള രാജു, ജാഫര്‍ ഇടുക്കി, സലിംകുമാര്‍, ഗിന്നസ് പക്രു, ബെന്നി പീറ്റേഴ്‌സ്, പാഷാണം ഷാജി, സ്‌നേഹ ബാബു, സ്‌നേഹ ശ്രീകുമാര്‍, കാര്‍ത്തിക് വിഷ്ണു, റിനി, അര്‍ജുന്‍, രാജ സാഹിബ്, ജയകൃഷ്ണന്‍, കോബ്ര രാജേഷ്, മജീദ്, റഷീദ്, സജി സുരേന്ദ്രന്‍, സാംസണ്‍, ഭക്തന്‍, രാജീവ്, വില്‍സണ്‍ തോമസ്, അനാമിക, അംബിക മോഹന്‍, മങ്കാ മഹേഷ്, ബിന്ദു എല്‍സ, സ്മിത സുനില്‍കുമാര്‍, ജോര്‍ജ് കാച്ചപ്പിള്ളി, ബേബി ചേര്‍ത്തല, സരിത രാജീവ്, ഹരീഷ് ബരണി, ലീല ഒറ്റപ്പാലം, അജിത് കുമാര്‍, മിനി, ഷാജി മാവേലിക്കര എന്നിവരും ചിത്രത്തില്‍ അണിനിരക്കുന്നു.
തിരക്കഥ, സംഭാഷണം ശ്രീകുമാര്‍ അറയ്ക്കല്‍. ഛായാഗ്രഹണം ലോവല്‍ എസ്., എഡിറ്റര്‍ രാജാ മുഹമ്മദ്. സില്‍ കൊടുങ്ങല്ലൂര്‍, മണികണ്ഠന്‍ പെരുമ്പടപ്പ് എന്നിവരുടെ വരികള്‍ക്ക് സംഗീതം നല്‍കിയിരിക്കുന്നത് ശ്രീജു ശ്രീധര്‍, മണികണ്ഠന്‍ പെരുമ്പടപ്പ് എന്നിവര്‍ ചേര്‍ന്നാണ്. എം.ജി. ശ്രീകുമാര്‍, റിമി തോമി, മണികണ്ഠന്‍ പെരുമ്പടപ്പ് എന്നിവരാണ് ഗാനങ്ങള്‍ ആലപിക്കുന്നത്.
Recent Comments