പ്രഭാസിനെ നായകനാക്കി നാഗ് അശ്വിന്‍ സംവിധാനം ചെയ്യുന്ന കല്‍ക്കി 2829 എഡി എന്ന ചിത്രത്തിന്റെ പുതിയ അപ്‌ഡേറ്റുമായി അണിയറപ്രവര്‍ത്തകര്‍. പ്രഭാസ് അവതരിപ്പിക്കുന്ന ഭൈരവ എന്ന കഥാപാത്രം ഉപയോഗിക്കുന്ന സ്‌പെഷ്യല്‍ കാര്‍ ആയ ബുജ്ജി (Bujji)യുടെ മേക്കിംഗ് വീഡിയോയാണ് ഇപ്പോള്‍ പുറത്തു വിട്ടിരിക്കുന്നത്.
ബുജ്ജിക്കുവേണ്ടി ശബ്ദം നല്‍കിയിരിക്കുന്നതാകട്ടെ നടി കീര്‍ത്തി സുരേഷും. ഭൈരവയുടെ ഒരു കൂട്ടുകാരനെപ്പോലെയാണ് ബുജ്ജിയെ അവതരിപ്പിക്കുന്നത്. ഈ പ്രത്യേക ഉപകരണം നിര്‍മ്മിക്കുന്നതിന്റെ വിവിധ ദൃശ്യങ്ങളാണ് വീഡിയോയിലുള്ളത്. ബുജ്ജിയുടെ സമയം ആരംഭിക്കുന്നു എന്ന് ഭൈരവ പറയുന്നിടത്താണ് വീഡിയോ അവസാനിക്കുന്നത്. മെയ് 22 ന് ബുജ്ജിയെ പൂര്‍ണ്ണമായും പ്രേക്ഷകര്‍ക്ക് മുന്നില്‍ അവതരിപ്പിക്കും. ചിത്രം ജൂണ്‍ 27 ന് തീയേറ്ററുകളില്‍ എത്തുന്നു.
അമിതാഭ് ബച്ചന്‍, കമല്‍ഹാസന്‍, ദീപിക പദുകോണ്‍, ദിഷ പഡാനി തുടങ്ങിയവരാണ് ചിത്രത്തിലെ പ്രധാന കഥാപാത്രങ്ങളെ കൈകാര്യം ചെയ്യുന്നത്. ഈ സയന്‍സ് ഫിക്ഷന്‍ ഫാന്റസി ചിത്രം വൈജയന്തി മൂവീസിന്റെ ബാനറില്‍ സി. അശ്വിനി ദത്താണ് നിര്‍മ്മിക്കുന്നത്. സന്തോഷ് നാരായണനാണ്.
Recent Comments