മമ്മൂട്ടി ചിത്രം ടര്‍ബോയുടെ മേക്കിംഗ് വീഡിയോ പുറത്തുവിട്ട് അണിയറപ്രവര്‍ത്തകര്‍. ഡ്യൂപ്പിന്റെ സഹായമില്ലാതെ അതിസാഹസികമായ ആക്ഷന്‍ രംഗങ്ങള്‍ ചെയ്യുന്ന മമ്മൂട്ടിയെ വീഡിയോയില്‍ കാണാം. ഫീനിക്‌സ് പ്രഭുവാണ് ആക്ഷന്‍ ഡയറക്ടര്‍.
മമ്മൂട്ടിയുടെ ഗംഭീര ആക്ഷന്‍ പ്രകടനം തന്നെയാണ് സിനിയുടെ ഹൈലൈറ്റ്. ചിത്രം തീയേറ്ററുകളില്‍ വിജയകരമായി പ്രദര്‍ശനം തുടരുകയാണ്. ആദ്യദിനം തന്നെ 17.3 കോടി രൂപയാണ് കളക്ട് ചെയ്തിരിക്കുന്നത്. നിര്‍മ്മാതാക്കളായ മമ്മൂട്ടി കമ്പനിയാണ് ഔദ്യോഗിക കണക്കുകള്‍ പുറത്തു വിട്ടിരിക്കുന്നത്.
രണ്ട് മണിക്കൂര്‍ 32 മിനുറ്റാണ് ചിത്രത്തിന്റെ ദൈര്‍ഘ്യം. മമ്മൂട്ടി കമ്പനിയുടെ ബാനറില്‍ വൈശാഖാണ് ചിത്രം സംവിധാനം ചെയ്തിരിക്കുന്നത്. മിഥുന്‍ മാനുവല്‍ തോമസിന്റേതാണ് തിരക്കഥ. വേഫാറര്‍ ഫിലിംസും ഓവര്‍സീസ് ഡിസ്ട്രിബ്യൂഷന്‍ ട്രൂത്ത് ഗ്ലോബല്‍ ഫിലിംസുമാണ് ചിത്രം ഡിസ്ട്രിബ്യൂട്ട് ചെയ്തിരിക്കുന്നത്.
Recent Comments