മൂന്നാറില്‍ വാഹനങ്ങള്‍ക്കുനേരെ പടയപ്പയുടെ പരാക്രമം. കഴിഞ്ഞ ദിവസം വൈകിട്ടായിരുന്നു സംഭം. കല്ലാര്‍ മാലിന്യ സംക്രണ കേന്ദ്രത്തിന് സമീപം ഇറങ്ങിയ പടയപ്പ വാഹനങ്ങള്‍ക്ക് നേരെ പാഞ്ഞടുത്തു. കാറിനുള്ളിലുണ്ടായിരുന്ന വൈദികനടക്കമുള്ളവര്‍ ഓടി രക്ഷപ്പെട്ടു.
മൂന്നാറില്‍നിന്നും കല്ലാര്‍ എസ്റ്റേറ്റിലേയ്ക്ക് പോകുകയായിരുന്ന രണ്ട് കാറുകളാണ് കാട്ടുകൊമ്പന്റെ മുന്നില്‍ പെട്ടത്. വാഹനങ്ങള്‍ കടന്നുപോകാന്‍ കഴിയാത്ത വിധം റോഡിനു നടുവില്‍ നിലയുറപ്പിച്ചു. ഈ തക്കം നോക്കി രണ്ട് വാഹനങ്ങളില്‍നിന്നും ആളുകള്‍ പുറത്തിറങ്ങി. ഈ സമയം ആന വാഹനങ്ങള്‍ക്ക് മുന്നിലേയ്ക്ക് പാഞ്ഞടുത്തു. ഉടന്‍തന്നെ എല്ലാവരും ഓടി രക്ഷപ്പെടുകയായിരുന്നു.
കുറച്ച് ദിവസങ്ങള്‍ക്ക് മുമ്പ് മദപ്പാട് സമയത്തും പടയപ്പ വാഹനങ്ങള്‍ക്ക് നേരെ പരാക്രമണം നടത്തിയിരുന്നു. പിന്നീട് ജനവാസമേഖലയില്‍ ഇറങ്ങിയിരുന്നെങ്കിലും ആക്രമണത്തിന് മുതര്‍ന്നിരുന്നില്ല. പൊതുവെ ശാന്തസ്വഭാവമുണ്ടായിരുന്ന പടയപ്പയുടെ സ്വഭാവമാറ്റം ഇപ്പോള്‍ ജനങ്ങള്‍ക്ക് ആശങ്ക വര്‍ദ്ധിപ്പിച്ചിട്ടുണ്ട്.
Recent Comments