കാജോള്‍, പ്രഭുദേവ, നസറുദ്ദീന്‍ഷാ, സംയുക്ത എന്നിവര്‍ പ്രധാന കഥാപാത്രങ്ങളാകുന്ന മഹാരാഗ്നി-ക്വീന്‍ ഓഫ് ക്വീന്‍സിന്റെ ടീസര്‍ പുറത്തുവിട്ടു. ചരണ്‍ തേജ് ഉപ്പളപതിയാണ് സംവിധായകന്‍. കജോളാണ് ഇന്‍സ്റ്റഗ്രാമിലൂടെ ചിത്രത്തിന്റെ ഒരു ആക്ഷന്‍ പാക്ക്ഡ് ഹ്രസ്വ ക്ലിപ്പ് പുറത്തുവിട്ടത്.
ടീസറില്‍ കാളി പൂജ പന്തലില്‍വച്ച് ചില ഗുണ്ടകളെ നേരിടുന്ന കാജോളിനെയാണ് കാണാന്‍ കഴിയുക. ചുവന്ന വസ്ത്രം ധരിച്ച കാജോള്‍ വാള്‍ ഉപയോഗിക്കുന്നതും വീഡിയോയില്‍ കാണാം. അധികാരം ആരും ചോദിച്ച് വാങ്ങുന്നതല്ല, പോരാടി നേടുന്നതാണ് എന്ന് കാജോള്‍ പറയുന്നുമുണ്ട്. പ്രഭുദേവ, നസറുദ്ദീന്‍ ഷാ, സംയുക്ത മേനോന്‍ എന്നിവരും പ്രത്യക്ഷപ്പെടുന്നുണ്ട്.
ജിഷു സെന്‍ഗുപ്ത, ആദിത്യ സീല്‍, ഛായ കദം, പ്രമോദ് പഥക് എന്നിവരും ചിത്രത്തില്‍ അഭിനയിക്കുന്നു. വെങ്കട അനീഷ് ഡോറിഗില്ലു, ഹര്‍മന്‍ ബവേജ എന്നിവര്‍ ചേര്‍ന്ന് നിര്‍മ്മിച്ചുന്ന ചിത്രത്തിന്റെ സംവിധായകന്‍ ഹര്‍ഷവര്‍ധനാണ്.
ഹിന്ദി, തമിഴ്, തെലുങ്ക്, കന്നഡ, മലയാളം എന്നീ ഭാഷകളില്‍ മഹാരാഗ്നി ഇന്ത്യയിലുടനീളം റിലീസ് ചെയ്യും. രാജീവ് മേനോന്റെ മിന്‍സാര കനവ് എന്ന ചിത്രത്തിനുശേഷം നീണ്ട 27 വര്‍ഷങ്ങള്‍ക്കിപ്പുറം കാജോളും പ്രഭുദേവയും ഒന്നിക്കുന്ന ചിത്രംകൂടിയാണ് മഹാരാഗ്നി.
Recent Comments