അല്ലു അര്‍ജ്ജുനും രശ്മിക മന്ദാനയും ജോഡികളാകുന്ന പുഷ്പ 2: ദ റൂള്‍ എന്ന ചിത്രത്തിലെ ദി കപ്പിള്‍ സോംഗ് ലിറിക്കല്‍ വീഡിയോ പുറത്തിറങ്ങി. മണിക്കൂറുകള്‍ക്കം മില്യണ്‍ കാഴ്ചക്കാരാണ് കണ്ടുകഴിഞ്ഞത്‌.
അല്ലു അര്‍ജുനും രശ്മിക മന്ദാനയ്ക്കുമൊപ്പം വളരെ ആഹ്ലാദപൂര്‍വ്വം നൃത്തച്ചുവടുകള്‍ വയ്ക്കുന്ന സംവിധായകന്‍ സുകുമാറിനെയും കോറിയോഗ്രാഫര്‍ ഗണേഷ് ആചാര്യയെയും ഈ കപ്പിള്‍ സോംഗില്‍ (ലിറിക്കല്‍) കാണാം. എന്തായാലും സോഷ്യല്‍ മീഡിയയില്‍ ഈ ഗാനത്തിന് അഭിനന്ദന കമന്റുകളുടെ പ്രവാഹമാണ്.
ചന്ദ്രബോസിന്റെ വരികള്‍ക്ക് ദേവി ശ്രീ പ്രസാദാണ് സംഗീതം ഒരുക്കിയിരിക്കുന്നത്. ശ്രേയാ ഘോഷാലാണ് ഗാനമാലപിച്ചിരിക്കുന്നത്. മൈത്രി മൂവി മേക്കേഴ്‌സിന്റെ ബാനറില്‍ നവീന്‍ യെര്‍നേനിയും രവി ശങ്കര്‍ യലമഞ്ചലിയും ചേര്‍ന്നാണ് ചിത്രം നിര്‍മ്മിക്കുന്നത്. ഛായാഗ്രഹണം മിരേസ്ലൊ കുബ ബ്രൊസെക്, എഡിറ്റര്‍ നവിന്‍ നൂലി. ആഗസ്റ്റ് 15 ന് ചിത്രം പ്രദര്‍ശനത്തിനെത്തും.
Recent Comments