‘പോര്‍ തൊഴില്‍’, ‘പരം പൊരുള്‍’ എന്നീ ഹിറ്റ് സിനിമകള്‍ക്ക് ശേഷം ശരത് കുമാര്‍ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് ‘ഹിറ്റ് ലിസ്റ്റ്’. ഇന്‍വെസ്റ്റിഗേറ്റീവ് ആക്ഷന്‍ ത്രില്ലറായ ചിത്രം നാളെ റിലീസിനെത്തും.
ആര്‍ക്കെ സെല്ലുലോയ്ഡിന്റെ ബാനറില്‍ പ്രശസ്ത സംവിധായകന്‍ കെ.എസ്. രവികുമാറാണ് ചിത്രം നിര്‍മ്മിക്കുന്നത്. നവാഗതരായ സൂര്യ കതിര്‍ കാക്കല്ലാര്‍, കെ. കാര്‍ത്തികേയന്‍ എന്നിവര്‍ ചേര്‍ന്നാണ് തിരക്കഥ എഴുതി സംവിധാനം ചെയ്തിരിക്കുന്നത്.
കുടുംബ പ്രേക്ഷകരുടെ പ്രിയ സംവിധായകന്‍ എന്ന് ഖ്യാതി നേടിയ വിക്രമന്റെ പുത്രന്‍ വിജയ് കനിഷ്‌ക ഹിറ്റ് ലിസ്റ്റിലൂടെ തമിഴ് സിനിമയില്‍ നായകനായി അരങ്ങേറ്റം കുറിക്കുന്നു. ഐശ്വര്യാ ദത്ത, സ്മൃതി വെങ്കട്ട് സിത്താര, അഭി നക്ഷത്ര, അനുപമ കുമാര്‍, കെ ജി എഫ് വില്ലന്‍ രാമചന്ദ്ര രാജു (ഗരുഡ റാം), ഗൗതം വാസുദേവ് മേനോന്‍, സമുദ്രക്കനി, മുനിഷ് കാന്ത്, റെഡിന്‍ കിങ്‌സ്ലി, ബാലശരവണന്‍ എന്നിങ്ങനെ വലിയൊരു താര നിര മറ്റു കഥാപാത്രങ്ങളെ അവതരിപ്പിക്കുന്നു.
കെ. രാം ചരണ്‍ സിനിമാട്ടോഗ്രാഫിയും, ജോണ്‍ എബ്രഹാം എഡിറ്റിങ്ങും നിര്‍വഹിച്ചിരിക്കുന്നു. മുരളി സില്‍വര്‍ സ്‌ക്രീന്‍ പിക്ചര്‍സ് ഹിറ്റ് ലിസ്റ്റ് കേരളത്തില്‍ റിലീസ് ചെയ്യും. പി.ആര്‍.ഒ.
സി.കെ. അജയ് കുമാര്‍.
Recent Comments