ജീന്‍ ആന്റണിയുടെയും ഭാര്യ ലൗലിയുടേയും യുകെയിലെ ജീവിതവും അതിനിടയില്‍ ഉണ്ടാകുന്ന സംഭവങ്ങളും പറയുന്ന ഫാമിലി ത്രില്ലര്‍ ചിത്രം ‘ബിഗ് ബെന്നി’ന്റെ ടീസര്‍ പുറത്തിറക്കി. ചിത്രത്തിന്റെ തിരക്കഥയും സംവിധാനം നിര്‍വ്വഹിക്കുന്നത് വിനോ അഗസ്റ്റിനാണ്. ജീന്‍ ആന്റണിയായി അനുമോഹനും ലൗലിയായി അതിഥി രവിയും വേഷമിടുന്നു.
ബ്രയിന്‍ ട്രീ പ്രൊഡക്ഷന്‍സിന്റെ ബാനറില്‍ ഒരുങ്ങുന്ന ചിത്രം നിര്‍മ്മിക്കുന്നത് പ്രജയ് കമ്മത്ത്, എല്‍ദോ തോമസ്, സിബി അരഞ്ഞാണി എന്നിവര്‍ ചേര്‍ന്നാണ്. ഫ്രൈഡെ ടിക്കറ്റാണ് ചിത്രം വിതരണത്തിനെത്തിക്കുന്നത്.
യുകെയുടെ മനോഹാരിതയില്‍ ചിത്രീകരിച്ച ചിത്രത്തില്‍ അനുമോഹന്‍, വിനയ് ഫോര്‍ട്ട്, അതിഥി രവി, മിയ, ചന്തുനാഥ്, ഷെബിന്‍ ബെന്‍സണ്‍, വിജയ് ബാബു, ജാഫര്‍ ഇടുക്കി, ബിജു സോപാനം, നിഷാ സാരംഗ്, ബെന്നി ഹന്ന മുസ്തഫ എന്നിവര്‍ അഭിനയിക്കുന്നു. ചിത്രം ജൂണ്‍ 28 ന് തീയേറ്ററുകളില്‍ പ്രദര്‍ശനത്തിനെത്തും.
യുകെയില്‍ നേഴ്‌സായി ജോലി ചെയ്യുന്ന ലൗവ്‌ലി നാട്ടില്‍ പോലീസ് ഉദ്യോഗസ്ഥനായി ജോലി നോക്കുകയായിരുന്ന തന്റെ ഭര്‍ത്താവ് ജീന്‍ ആന്റണിയെയും കുഞ്ഞിനെയും അവിടേയ്ക്ക് എത്തിക്കുന്നിടത്താണ് ചിത്രം തുടങ്ങുന്നത്. പിന്നീട് അവരുടെ ജീവിതത്തില്‍ നടക്കുന്ന സംഭവവികാസങ്ങളാണ് ചിത്രം പറയുന്നത്.
ഛായാഗ്രഹണം സജാദ് കാക്കു, എഡിറ്റര്‍ റിനോ ജേക്കബ്ബ്, കലാസംവിധാനം അരുണ്‍ വെഞ്ഞാറമ്മൂട്, കോസ്റ്റിയൂം ജോമോന്‍ ജോണ്‍സണ്‍, ആദിത്യ നാണു, മേക്കപ്പ് നരസിംഹസ്വാമി, പ്രൊഡക്ഷന്‍ കണ്‍ട്രോളര്‍ ജിസ്മല്‍ ജോസഫ് (യുകെ), പബ്ലിസിറ്റി യെല്ലോ ടൂത്ത്‌സ്.
Recent Comments