ഇന്ദ്രന്‍സിനെ കേന്ദ്രകഥാപാത്രമാക്കി നവാഗതനായ വിക്കി തമ്പി സംവിധാനം ചെയ്യുന്ന ക്രൈം ത്രില്ലര്‍ ചിത്രമാണ് ജമാലിന്റെ പുഞ്ചിരി. ചിത്രത്തിന്റെ തിയേറ്ററിക്കല്‍ ട്രെയിലര്‍ പ്രശസ്ത താരങ്ങളായ മഞ്ജു വാര്യരുടെയും ഇന്ദ്രന്‍സിന്റെയും സോഷ്യല്‍ മീഡിയ പേജിലൂടെ റിലീസ് ചെയ്തു. മിഥുന്‍ രമേശും പ്രയാഗാ മാര്‍ട്ടിനുമാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രം ജൂണ്‍ 7 ന് തീയേറ്ററുകളില്‍ റിലീസിനെത്തുന്നു.
കുടുംബകോടതി, നാടോടി മന്നന്‍ എന്നീ ഹിറ്റ് ചിത്രങ്ങള്‍ക്കുശേഷം ചിത്രം ക്രിയേഷന്‍സിന്റെ ബാനറില്‍ ചിത്രം സുരേഷ്, ശ്രീജ സുരേഷ് എന്നിവര്‍ ചേര്‍ന്നാണ് ജമാലിന്റെ പുഞ്ചിരി നിര്‍മ്മിക്കുന്നത്. സിദ്ധിഖ്, അശോകന്‍, ജോയ് മാത്യു, ശിവദാസന്‍ കണ്ണൂര്‍, ദിനേശ് പണിക്കര്‍, സോന നായര്‍, രേണുക, മല്ലിക സുകുമാരന്‍, സേതുലക്ഷ്മി, ജസ്‌ന തുടങ്ങിയവരും പുതുമുഖങ്ങളായ സുനില്‍ ഭാസ്‌കര്‍, യദു കൃഷ്ണന്‍, ഫര്‍ഹാന്‍ എന്നിവരും അഭിനയിക്കുന്നു.
ഛായാഗ്രഹണം ഉദയന്‍ അമ്പാടി, തിരക്കഥ, സംഭാഷണം വി.എസ്. സുഭാഷ്. അനില്‍കുമാര്‍ പാതിരിപ്പള്ളി, മധു ആര്‍ ഗോപന്‍ എന്നിവരുടെ വരികള്‍ക്ക് വര്‍ക്കി സംഗീതം പകരുന്നു. വിപിന്‍ മണ്ണൂരാണ് എഡിറ്റര്‍, എക്‌സിക്യൂട്ടീവ് പ്രൊഡ്യൂസര്‍ വിക്രമന്‍ തൈക്കാട്, പ്രൊഡക്ഷന്‍ ഡിസൈനര്‍ ചന്ദ്രന്‍ പനങ്ങോട്, പ്രൊഡക്ഷന്‍ കണ്‍ട്രോളര്‍ ഷിബു പന്തലക്കോട്, കല മഹേഷ് ശ്രീധര്‍, മേക്കപ്പ് സന്തോഷ് വെണ്‍പകല്‍, വസ്ത്രാലങ്കാരം ഇന്ദ്രന്‍സ് ജയന്‍, സ്റ്റില്‍സ് സലീഷ് പെരിങ്ങോട്ടുകര, ശ്രീനി മഞ്ചേരി. പരസ്യകല ഡെക്കോര്‍, ചീഫ് അസോസിയേറ്റ് ഡയറക്ടര്‍ സജി, സുകുമാരന്‍, പ്രകാശ് ആര്‍ നായര്‍, ക്രിയേറ്റീവ് ഹെഡ് അനില്‍ പാതിരിപ്പള്ളി, വി.എസ്. സുധീഷ് ചന്ദ്രന്‍, പി.ആര്‍.ഒ എ.എസ്. ദിനേശ്.
Recent Comments