മമ്മൂട്ടി നായകനായി എത്തിയ ആക്ഷന് ചിത്രം ടര്‍ബോ വന്‍ ഹിറ്റായി പ്രദര്‍ശനം തുടര്‍ന്നു കൊണ്ടിരിക്കുകയാണ്. 2024 ല്‍ പുറത്തിറങ്ങിയ മലയാള ചിത്രങ്ങളുടെ ബോക്‌സ് ഓഫീസ് കളക്ഷനിലും മുന്‍നിരയിലാണ് ടര്‍ബോ. ഇപ്പോഴിതാ ടര്‍ബോയുടെ ആവേശം നിറയ്ക്കുന്ന ക്ലൈമാക്‌സ് ഫൈറ്റ് രംഗത്തിന്റെ വീഡിയോ പുറത്ത് വിട്ടിരിക്കുകയാണ് ചിത്രത്തിന്റെ നിര്‍മ്മാതാക്കള്‍. മമ്മൂട്ടി കമ്പനിയുടെ ബാനറിലാണ് ചിത്രം നിര്‍മ്മിച്ചിരിക്കുന്നത്.
ചിത്രത്തില്‍ ജോസ് എന്ന നായക കഥാപാത്രമായി മമ്മൂട്ടി എത്തുമ്പോള്‍ മറ്റ് സുപ്രധാന വേഷങ്ങളില്‍ കന്നഡയില്‍നിന്ന് രാജ് ബി. ഷെട്ടിയും തെലുങ്ക് നടന്‍ സുനിലുമാണ് ഉള്ളത്. ആക്ഷന് ഏറെ പ്രാധാന്യം നല്‍കിയാണ് ടര്‍ബോ ഒരുക്കിയത്. വിയറ്റ്‌നാം ഫൈറ്റേഴ്‌സാണ് നിര്‍ണ്ണായകമായ ആക്ഷന് രംഗങ്ങളിലുള്ളത്.
200 കി.മീ. സ്പീഡ് ചേസിംഗ് വരെ ചിത്രീകരിക്കാന്‍ സാധിക്കുന്ന ഹോളിവുഡിലെ ചേസിംഗ് സീനുകളില്‍ ഉപയോഗിക്കുന്ന ഡിസ്‌പ്ലേ മോഷന്‍ ബ്ലര്‍ മെഷര്‍മെന്റിന് അനുയോജ്യമായ ‘പര്‍സ്യൂട്ട് ക്യാമറ’യാണ് ടര്‍ബോയില്‍ ഉപയോഗിച്ചിരിക്കുന്നത്. ഛായാഗ്രഹണം വിഷ്ണു ശര്‍മ്മ. പശ്ചാത്തല സംഗീതം ക്രിസ്റ്റോ സേവ്യര്‍. എക്‌സിക്യൂട്ടീവ് പ്രൊഡ്യൂസര്‍ ജോര്‍ജ് സെബാസ്റ്റിയന്‍, പ്രൊഡക്ഷന്‍ ഡിസൈനര്‍ ഷാജി നടുവില്‍, ലൈന്‍ പ്രൊഡ്യൂസര്‍ സുനില്‍ സിംഗ്, പ്രൊഡക്ഷന്‍ കണ്‍ട്രോളര്‍ അരോമ മോഹന്‍, ഡിസൈനര്‍ മെല്‍വി ജെ & ആഭിജിത്ത്, മേക്കപ്പ് റഷീദ് അഹമ്മദ് & ജോര്‍ജ് സെബാസ്റ്റിയന്‍, കോ ഡയറക്ടര്‍ ഷാജി പടൂര്‍, കോസ്റ്റിയൂം ആക്ഷന് ഡയറക്ടര്‍ ഫൊണിക്‌സ് പ്രഭു, ചീഫ് അസോസിയേറ്റ് ഡയറക്ടര്‍ രാജേഷ് ആര് കൃഷ്ണന്‍, പബ്ലിസിറ്റി ഡിസൈന്‍സ് യെല്ലോ ടൂത്ത്, ഡിജിറ്റല്‍ മാര്‍ക്കറ്റിംഗ് വിഷ്ണു സുഗതന്‍.
Recent Comments