ആന്ധ്രപ്രദേശ് നിയമസഭ തെരഞ്ഞെടുപ്പില്‍ ചരിത്രവിജയം നേടിയ നടന്‍ പവന്‍ കല്യാണിന് വമ്പന്‍ സ്വീകരണമൊരുക്കി സഹോദരന്‍ ചിരഞ്ജീവ്. രാംചരണാണ് കാറില്‍ നിന്നിറങ്ങിയ പവന്‍ കല്യാണിനെ വീട്ടിലേക്ക് സ്വീകരിച്ചത്. സഹോദരനെ കണ്ടതും വികാരാധീനനായ പവന്‍ കല്യാണ്‍ ചിരഞ്ജീവിയുടെ കാലില്‍ തൊട്ട് അനുഗ്രഹം ഏറ്റുവാങ്ങുകയും ചെയ്തു. പിന്നീട് ചിരഞ്ജീവി കുഞ്ഞനുജന് ഹാരാര്‍പ്പണം ചെയ്ത് വീട്ടിലേയ്ക്ക് ആനയിച്ചു.
ഭാര്യയ്ക്കും മകനുമൊപ്പമാണ് പവന്‍ കല്യാണ്‍ എത്തിയത്. പവന്‍ കല്യാണിന്റെയും ചിരഞ്ജീവിയുടെയും മറ്റൊരു സഹോദരന്‍ നാഗേന്ദ്രബാബുവും കുടുംബവും ഒപ്പമുണ്ടായിരുന്നു. വികാരനിര്‍ഭരമായ നിമിഷങ്ങളുടെ വീഡിയോ ചിരഞ്ജീവിതന്നെ സമൂഹമാധ്യമങ്ങളിലൂടെ പങ്കുവച്ചു.
An emotionally charged welcome to my dear brother A Real life ‘Power Star’!!
A Hero’s Homecoming ! 💐
God bless!! 🙏 @PawanKalyan pic.twitter.com/B9zgQPQyP5
— Chiranjeevi Konidela (@KChiruTweets) June 6, 2024
ആന്ധ്രാപ്രദേശിലെ പീതാംപുരം നിയോജക മണ്ഡലത്തില്‍ മത്സരിച്ച പവന്‍ കല്യാണ്‍ വൈഎസ്ആര്‍സിപി സ്ഥാനാര്‍ത്ഥിക്കെതിരെ 70279 വോട്ടുകളുടെ വമ്പിച്ച ഭൂരിപക്ഷത്തോടെയാണ് ജയിച്ചത്. താരം 1,34,394 വോട്ടുകള്‍ നേടിയിരുന്നു. 21 സീറ്റുകളിലാണ് ജനസേന പാര്‍ട്ടി വിജയിച്ചത്. ടിഡിപി, ബിജെപി എ്‌നിവരുമായി സഖ്യമുള്ള ജനസേന പാര്‍ട്ടി 175 നിയമസഭാ സീറ്റുകളില്‍ 21 സീറ്റുകളിലാണ് ആകെ മത്സരിച്ചതും.
Recent Comments