രജനികാന്തിനെ നായകനാക്കി ടി.ജെ. ജ്ഞാനവേല്‍ സംവിധാനം ചെയ്യുന്ന ചിത്രമാണ് വേട്ടൈയന്‍. രജനികാന്ത് ആരാധകര്‍ ആകാംക്ഷയോടെ കാത്തിരിക്കുന്ന വേട്ടൈയന്റെ പുതിയ അപ്‌ഡേറ്റ് പുറത്തുവന്നിരിക്കുകയാണ്.
വേട്ടൈയന്റെ ഒടിടി അവകാശം വന്‍തുകയ്ക്ക് വിറ്റുവെന്നാണ് വിവരം. ആമസോണ്‍ പ്രൈം വീഡിയോസാണ് ചിത്രത്തിന്റെ ഒടിടി അവകാശം വാങ്ങിയിരിക്കുന്നത്. ടി.ജെ. ജ്ഞാനവേല്‍ സംവിധാനം ചെയ്ത ആദ്യ ചിത്രമായ ജയ് ഭീം നേരിട്ട് ആമസോണ്‍ വഴി ഒടിടി റിലീസായാണ് എത്തിയത്.
ലൈക്ക പ്രൊഡക്ഷന്‍ ഒരുക്കുന്ന ചിത്രത്തില്‍ അമിതാഭ് ബച്ചന്‍, റാണ ദഗുപട്ടി, മഞ്ജു വാര്യര്‍, ഫഹദ് ഫാസില്‍, ദുഷറ വിജയന്‍, ഋതിക സിംഗ് തുടങ്ങിയവര്‍ പ്രധാന വേഷങ്ങളിലെത്തുന്നു. അനിരുദ്ധ് രവിചന്ദ്രനാണ് ചിത്രത്തിന്റെ സംഗീതം ഒരുക്കുന്നത്. ഒക്ടോബര്‍ 10 ന് ചിത്രം തീയേറ്ററുകളില്‍ റിലീസ് ചെയ്യും.
Recent Comments