സംവിധായകന്‍ മേജര്‍ രവി ഏഴു വര്‍ഷത്തെ ഇടവേളയ്ക്കു ശേഷം ഒരുക്കുന്ന പുതിയ ചിത്രം ‘ഓപ്പറേഷന്‍ റാഹത്തി’ന്റെ ടൈറ്റില്‍ പോസ്റ്റര്‍ റിലീസായി. പ്രശസ്ത തെന്നിന്ത്യന്‍ നടന്‍ ശരത് കുമാര്‍ നായക കഥാപാത്രത്തെ അവതരിപ്പിക്കുന്നു. പ്രസിഡന്‍ഷ്യല്‍ മൂവീസ് ഇന്റര്‍നാഷണലിന്റെ ബാനറില്‍ ആഷ്‌ലിന്‍ മേരി ജോയ് നിര്‍മ്മിക്കുന്ന ചിത്രത്തിന്റെ കഥയും തിരക്കഥയും കൃഷ്ണകുമാര്‍ കെ എഴുതുന്നു. ഛായാഗ്രഹണം- അര്‍ജുന്‍ രവി
2015-ല്‍ സൗദി അറേബ്യയും സഖ്യകക്ഷികളും നടത്തിയ സൈനിക ഇടപെടലിനെത്തുടര്‍ന്ന് യെമനില്‍ നിന്ന് ഇന്ത്യന്‍ പൗരന്മാരെയും വിദേശികളെയും ഒഴിപ്പിക്കാനുള്ള ഇന്ത്യന്‍ സായുധ സേനയുടെ പ്രവര്‍ത്തനമായിരുന്നു ഓപ്പറേഷന്‍ റാഹത്. ഈ ഓപ്പറേഷനെ അടിസ്ഥാനമാക്കിയാണ് മേജര്‍ രവി ഈ ചിത്രം ഒരുക്കുന്നത്. ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായാണ് ചിത്രം പുറത്തിറങ്ങുക.
എഡിറ്റര്‍- ഡോണ്‍ മാക്‌സ്, സംഗീതം-രഞ്ജിന്‍ രാജ്, ചീഫ് എക്‌സിക്യൂട്ടീവ്- ബെന്നി തോമസ്, വസ്ത്രാലങ്കാരം-വി സായ് ബാബു, കലാസംവിധാനം- ഗോകുല്‍ ദാസ്, മേക്കപ്പ്-റോണക്‌സ് സേവ്യര്‍, പ്രൊഡക്ഷന്‍ കണ്‍ട്രോളര്‍-പ്രവീണ്‍ ബി മേനോന്‍, ഫിനാന്‍സ് കണ്‍ട്രോളര്‍- അഗ്രാഹ് പി, കാസ്റ്റിംഗ് ഡയറക്ടര്‍- രതീഷ് കടകം, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, പബ്ലിസിറ്റി ഡിസൈന്‍- സുഭാഷ് മൂണ്‍മാമ, പിആര്‍ഒ- എഎസ് ദിനേശ്.
Recent Comments