നവാഗതനായ ഉല്ലാസ് കൃഷ്ണ സംവിധാനം ചെയ്യുന്ന പുഷ്പകവിമാനം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങിയിരിക്കുന്നു. നടന്‍ നിവിന്‍ പോളിയുടെ ഒഫീഷ്യല്‍ പേജിലൂടെയാണ് ഫസ്റ്റ് ലുക്ക് പോസ്റ്റര്‍ പുറത്തുവിട്ടിരിക്കുന്നത്.
വായ് മൂടിക്കെട്ടിയ നിലയില്‍ സിജുവില്‍സന്‍, ബാലുവര്‍ഗീസ്, പൊലീസ് വേഷത്തില്‍ ധീരജ് ഡെന്നി എന്നിവരുടെ ചിത്രങ്ങളാണ് ഫസ്റ്റ് ലുക്ക് പോസ്റ്റര്‍ പുറത്തിറങ്ങിയിരിക്കുന്നത്. ഏറെ സസ്‌പെന്‍സ് പകരുന്നതാണ് വായ് മൂടിക്കെട്ടിയ സിജു വില്‍ സന്റെ ഈ ലുക്ക്.
രാജ് കുമാര്‍ സേതുപതി അവതരിപ്പിക്കുന്ന ചിത്രം റയോണ റോസ് പ്രൊഡക്ഷന്‍സിന്റെ ബാനറില്‍ ജോണ്‍ കുടിയാന്‍മല, കിവിസോമൂവീസ്, നെരിയാ ഫിലിംഹൗസ് എന്നിവര്‍ ചേര്‍ന്നാണ് നിര്‍മ്മിക്കുന്നത്.
നഗരജീവിതത്തിന്റെ പശ്ചാത്തലത്തിലൂടെ സൗഹൃദത്തിന്റേയും അതിജീവനത്തിന്റേയും കഥ രസാവഹമായ മുഹൂര്‍ത്തങ്ങളിലൂടെ അവതരിപ്പിക്കുകയാണ് ഈ ചിത്രത്തിലൂടെ.
സിജു വില്‍സന്‍, നമുത(വേല ഫെയിം) ബാലു വര്ഗീസ്, എന്നിവര്‍ കേന്ദ്രകഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ സിദ്ദിഖ്, ധീരജ് ഡെന്നി, മനോജ് കെ.യു എന്നിവരും സുപ്രധാനമായ കഥാപാത്രങ്ങളെ അവതരിപ്പിക്കുന്നു. പത്മരാജ് രതീഷ്, സോഹന്‍ സീനുലാല്‍, ഷൈജു അടിമാലി, ജയകൃഷ്ണന്‍, ഹരിത്, വിശിഷ്ട് (മിന്നല്‍ മുരളി ഫെയിം) എന്നിവരും മലയാളത്തിലെ മറ്റൊരു ബഹുമുഖ പ്രതിഭയും ഈ ചിത്രത്തില്‍ പ്രധാന വേഷത്തിലെത്തുന്നു.
സന്ധീപ് സദാനന്ദനും ദീപു എസ്. നായരും ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്.
Recent Comments