ഇന്‍സ്റ്റഗ്രാം റീല്‍സിലൂടെ വൈറലായ മലയാളി മോഡല്‍ ആരാധ്യ ദേവിയുടെ ഗ്ലാമര്‍ വീഡിയോ പങ്കുവച്ച് ബോളിവുഡ് സംവിധായകന്‍ രാംഗോപാല്‍ വര്‍മ്മ. സംവിധായകന്റെ യൂട്യൂബ് ചാനലിലൂടെയാണ് വാട്ടറിംഗ് ദ് ഡാന്‍സ് എന്ന ടൈറ്റിലോടെ ആരാധ്യയുടെ അതീവ ഗ്ലാമറസ് വീഡിയോ വര്‍മ്മ റിലീസ് ചെയ്തത്. ആരാധ്യയും വീഡിയോ തന്റെ ഇന്‍സ്റ്റഗ്രാം പേജിലൂടെ പങ്കുവച്ചിട്ടുണ്ട്.
ആരാധ്യയെ നായികയാക്കി രാംഗോപാല്‍ വര്‍മ്മ നിര്‍മ്മിക്കുന്ന സാരി എന്ന സിനിമയില്‍ നിന്നുള്ള വീഡിയോയാണിത്. വീഡിയോയ്‌ക്കെതിരെ രൂക്ഷ വിമര്‍ശനമാണ് സമൂഹ മാധ്യമങ്ങളില്‍ നിന്നും ഉയരുന്നത്.
ആരാധ്യയുടെ ഗ്ലാമര്‍ ചിത്രങ്ങളും വീഡിയോയും നിരന്തരമായി പോസ്റ്റ് ചെയ്യുന്ന RGV ക്കെതിരെ സമൂഹമാധ്യമങ്ങളില്‍ വിമര്‍ശനവും ഉയര്‍ന്നുകഴിഞ്ഞു. കഴിഞ്ഞ ലോക് ഡൗണ്‍ സമയത്ത് നിലവാരം കുറഞ്ഞ സിനിമകളെടുത്താണ് RGV വാര്‍ത്തകളില്‍ ഇടംപിടിച്ചത്. പലതും ലൈംഗികതയെ പ്രോത്സാഹിപ്പിക്കുന്ന സിനിമകളായതിനാല്‍ സാമ്പത്തിക ലാഭത്തിനുവേണ്ടി മാത്രമാണ് രാംഗോപാല്‍ വര്‍മ്മ ഇപ്പോള്‍ സിനിമ ചെയ്യുന്നതെന്നും വിമര്‍ശനം ഉയര്‍ന്നിരുന്നു.
മലയാളി ഫോട്ടോഗ്രാഫര്‍ കൂടിയായ അഘോഷ് വൈഷ്ണവമാണ് സാരി എന്ന സിനിമയുടെ സംവിധായകന്‍. ലോക സാരി ദിനത്തോടനുബന്ധിച്ച് സിനിമയുടെ ഫസ്റ്റ് ലുക്ക് പോസ്റ്ററും രാംഗോപാല്‍ വര്‍മ്മ പുറത്തു വിട്ടിരുന്നു. അഘോഷിന്റെ ആദ്യ സംയവിധാന സംരംഭമായ ഈ ചിത്രം RGV യും RGV ഗ്രൂപ്പും ചേര്‍ന്നാണ് നിര്‍മ്മിക്കുന്നത്.
Recent Comments