മമ്മൂട്ടി നായകനായെത്തിയ മാസ്സ്ആക്ഷന്‍ കോമഡി ചിത്രം ‘ടര്‍ബോ’യുടെ വന്‍ വിജയത്തോട് അനുബന്ധിച്ച് ചിത്രത്തിന്റെ സക്സസ് ഇവന്റ് ഷാര്‍ജ സെന്‍ട്രല്‍ മാളില്‍ വെച്ച് നടന്നു. ചിത്രം വന്‍ വിജയമായതിന് പിന്നാലെ ചിത്രത്തിന്റെ അറബി വേര്‍ഷന്‍ റിലീസിനൊരുങ്ങുകയാണ്. എല്ലാ കഥാപാത്രങ്ങള്‍ക്കും ലോക്കല്‍ എമിറാത്തിസാണ് ഡബ് ചെയ്തിരിക്കുന്നത്. ചിത്രം ഉടന്‍ റിലീസിനെത്തും.
മമ്മൂട്ടി, സംവിധായകന്‍ വൈശാഖ്, ട്രൂത്ത് ഗ്രൂപ്പ് ചെയര്‍മാന്‍ മിസ്റ്റര്‍ അബ്ദുല്‍ സമദ്, ഖാലിദ് അല്‍ അമേരി, അനുരാ മത്തായി എന്നിവര്‍ പങ്കെടുത്തു. ലൈന്‍ ഇന്‍വെസ്‌റ്‌മെന്റ് പ്രോപ്പര്‍ട്ടി എല്‍എല്‍സി സിഇഒ മിസ്റ്റര്‍ ജെയിംസ് വര്‍ഗീസ്, ലൈന്‍ ഇന്‍വെസ്‌റ്‌മെന്റ് ജിഎം നവനീത് സുധാകരന്‍, ഷാര്‍ജ സെന്‍ട്രല്‍ മാള്‍ മാനേജര്‍ റസ്വാന്‍ അബ്ദുള്‍ റഹ്‌മാന്‍ എന്നിവര്‍ ചടങ്ങില്‍ ടര്‍ബോ ടീമിനെ സ്വാഗതം ചെയ്തു.
ചിത്രം വന്‍ വിജയമാക്കിയതില്‍ മമ്മൂട്ടി എല്ലാവരോടും നന്ദി അറിയിച്ചു കൊണ്ട് ചിത്രത്തിന്റെ അറബിക്ക് വേര്‍ഷന്‍ ടീസര്‍ മമ്മൂട്ടി ലോഞ്ച് ചെയ്തു. അറബിക് ഡബ്ബിനു പിന്നില്‍ പ്രവര്‍ത്തിച്ച ടീമിന് മമ്മൂട്ടി പ്രത്യേകം നന്ദി അറിയിച്ചു. മലയാളികളും എമിറാത്തികളും തമ്മിലെ ഒരു സാംസ്‌ക്കാരിക ഒത്തുകൂടലാണ് ഇതെന്നും മമ്മൂട്ടി കൂട്ടിച്ചേര്‍ത്തു. പതിനായിരക്കണക്കിന് ആളുകള്‍ ചടങ്ങില്‍ പങ്കെടുത്തു. ഹിറ്റ് എഫ്എം 96.7 നോടൊപ്പം ജിഎംഎച്ച് ചേര്‍ന്നാണ് പരിപാടി സംഘടിപ്പിച്ചത്.
Recent Comments