കങ്കണ റണൗട്ട് റിലീസ് ചെയ്യാനിരിക്കുന്ന ഏറ്റവും പുതിയ ചിത്രമാണ് എമര്‍ജന്‍സി. കങ്കണ തന്നെയാണ് ചിത്രത്തിന്റെ സംവിധാനവും നിര്‍വ്വഹിക്കുന്നത്. പല കാരണങ്ങളാല്‍ റിലീസ് മാറ്റിവച്ച ചിത്രത്തിന്റെ റിലീസ് പ്രഖ്യാപിച്ചിരിക്കുകയാണ് ഇപ്പോള്‍. സെപ്തംബര്‍ 6 ന് റിലീസിനെത്തുമെന്നാണ് സൂചന.
മുന്‍ പ്രധാനമന്ത്രി ഇന്ദിരാഗാന്ധിയെ അവതരിപ്പിക്കുന്നു എന്ന പ്രത്യേകതയും ഈ ചിത്രത്തിനുണ്ട്. സഞ്ജയ് ഗാന്ധിയായി മലയാളത്തില്‍നിന്ന് വൈശാഖ് നായരും വേഷമിടുന്നുണ്ട്. ടെറ്റ്‌സുവോ നഗാത്തയാണ് ഛായാഗ്രഹണം നിര്‍വ്വഹിക്കുന്നത്. റിതേഷ് ഷായുടേതാണ് തിരക്കഥ. ഡയലോഗ്‌സ് ഒരുക്കുന്നത് തന്‍വി കേസരി പശുമാര്‍ത്ഥിയാ.
View this post on Instagram
മണികര്‍ണിക ഫിലിംസാണ് ചിത്രം നിര്‍മ്മിക്കുന്നത്. കങ്കണ റണൗട്ടിന്റെ രണ്ടാമത്തെ സംവിധാന സംരംഭമാണിത്. കങ്കണ തന്നെ ടൈറ്റില്‍ കഥാപാത്രമായി എത്തിയ മണികര്‍ണിക: ദ് ക്വീന്‍ ഓഫ് ഝാന്‍സിയായിരുന്നു ആ ചിത്രം. പേര് സൂചിപ്പിക്കുന്നപോലെ അടിയന്തിരാവസ്ഥ പ്രമേയമാക്കിയുള്ള ചിത്രമാണ് എമര്‍ജന്‍സിയെന്നാണ് റിപ്പോര്‍ട്ട്.
Recent Comments