നവാഗതനായ അനീഷ് അലി സംവിധാനം ചെയ്ത് അങ്കമാലി ഡയറീസിലെ യു ക്ലാമ്പ് രാജനായി എത്തിയ ടിറ്റോ വില്‍സണ്‍ നായകനായെത്തുന്ന ഗോഡ്‌സ് ട്രാവല്‍ പ്രദര്‍ശനത്തിന് ഒരുങ്ങുന്നു. നടന്‍ ആസിഫ് അലി തന്റെ സോഷ്യല്‍ മീഡിയ പേജിലൂടെ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തു വിട്ടു.
ഭൂരിഭാഗവും ഒരു പോലീസ് വാനിനുള്ളില്‍ ചിത്രീകരിച്ച സിനിമ പൂര്‍ണ്ണമായും ഒരു ട്രാവല്‍ സസ്‌പെന്‍സ് ത്രില്ലര്‍ ആയിരിക്കുമെന്ന് അണിയറ പ്രവര്‍ത്തകര്‍ ഉറപ്പ് തരുന്നു. ഒരു നിര്‍ണ്ണായക ഔദ്യോഗിക ഉദ്ദേശം ഏറ്റെടുത്തു പോലീസ് സ്റ്റേഷനില്‍ നിന്നും പുറപ്പെടുന്ന കുറച്ചു പോലീസ് ഉദ്യോഗസ്ഥരും പോലീസ് വാനും ഇവര്‍ക്ക് മുന്നില്‍ യാദൃശ്ചികമായി കടന്നു വരുന്ന ചില അതിഥികളുമാണ് പ്രധാന കഥാപാത്രങ്ങള്‍.
ഇരുപതോളം പുതുമുഖങ്ങളെ പരിചയപ്പെടുത്തുന്ന ചിത്രത്തില്‍ രജനികാന്തിന്റെ കാല എന്ന ചിത്രത്തിലൂടെ ശ്രദ്ധേയനായ ബീമ്ജി ഖന്നയും ഒരു സുപ്രധാന വേഷത്തില്‍ എത്തുന്നു, പൂര്‍ണ്ണമായും ബസില്‍ ചിത്രീകരിച്ചു എന്ന സവിശേഷതയുമായി എത്തുന്ന ചിത്രം മലയാള പ്രേഷകര്‍ക്ക് ഇടയില്‍ ഒരു പുതിയ അനുഭവം തന്നെ ആയിരിക്കും. ഹണി, കൃഷ്ണന്‍ ബാലകൃഷ്ണന്‍, രാജേഷ് പിള്ള, മാരി സുനി, ഫിറോസ് തുടങ്ങിയവര്‍ ആണ് ചിത്രത്തിലെ മറ്റു പ്രധാന വേഷങ്ങളില്‍ എത്തുന്നത്.
തെങ്കാശി, പാലോട്, ഇടിഞ്ഞാര്‍, ബ്രയിമൂര്‍ ഫോറസ്റ്റ്, വയനാട് തുടങ്ങിയ പ്രദേശങ്ങളുടെ ദൃശ്യഭംഗി ക്യാമറയില്‍ പകര്‍ത്തിയത് റെജിന്‍ സാന്റോ ആണ്. സംഗീത സംവിധാനം ശ്യാം സാഗറും പശ്ചാത്തലസംഗീതം ജോബ് ഷാജിയും നന്തുവും ചേര്‍ന്ന് നിര്‍വ്വഹിച്ചിരിക്കുന്നു. എഡിറ്റിംഗ്- ജോഷി എ എസ്. കലാസംവിധാനം- ശിവന്‍ കുട്ടി. അസോസിയേറ്റ് ഡയറക്റ്റര്‍- രാജേഷ് മണികണ്ഠന്‍. അസിസ്റ്റന്റ് ഡയറക്ടര്‍സ്- അരുണ്‍ ജയ, നയന നാരായണന്‍, ജെ പി ജയശങ്കര്‍. സിങ്ക് സൗണ്ട്- ഹരികുമാര്‍ പ്രിന്റോ പ്രിന്‍സ്, ആനന്ദ്. സൗണ്ട് ഡിസൈന്‍ -ഷാബു ചെറുവല്ലൂര്‍.മേക്കപ്പ് -രാജേഷ് രവി.സ്റ്റില്‍സ് – അനീഷ് മോട്ടിവ് പിക്‌സ്. പബ്ലിസിറ്റി ഡിസൈന്‍ – വിനീത് വാസുദേവന്‍. പ്രൊഡക്ഷന്‍ ഡിസൈനിങ് – സജാദ്, വിഷ്ണു വി എല്‍. പിആര്‍ഒ -എം കെ ഷെജിന്‍. ഐ വി എന്‍ ഫിലിംസിന്റെ ബാനറില്‍ ഷാഹിന എം, അശ്വതി ബി ആറും ചേര്‍ന്ന് നിര്‍മിച്ച ചിത്രം ഉടന്‍ പ്രദര്‍ശനത്തിനെത്തും.
Recent Comments