മോഹന്‍ലാല്‍ ചിത്രം മലൈക്കോട്ടൈ വാലിബന് ശേഷം അച്ചു ബേബി ജോണ്‍ നിര്‍മ്മിക്കുന്ന ദാവീദ് എന്ന ചിത്രത്തില്‍ ആന്റണി വര്‍ഗീസ് നായകനാവുന്നു. ഗോവിന്ദ് വിഷ്ണുവാണ് ചിത്രത്തിന്റെ സംവിധായകന്‍. ഗോവിന്ദ് വിഷ്ണുവും ദീപുരാജീവും ചേര്‍ന്ന്ണ് തിരക്കഥ ഒരുക്കുന്നത്.
ദാവീദിന്റെ വ്യത്യസ്തമായ മോഷന്‍ പോസ്റ്റര്‍ പുറത്തു വിട്ടിരിക്കുകയാണ് അണിയറ പ്രവര്‍ത്തകര്‍. മോഷന്‍ പോസ്റ്റര്‍ സൂചിപ്പിക്കുംപോലെ ഒരു ബോക്‌സിംഗ് ആക്ഷന്‍ ഡ്രാമയായിരിക്കും ചിത്രം. സെഞ്ച്വറി മാക്‌സ്, ജോണ്‍ & മേരി പ്രൊഡക്ഷന്‍സ്, പനോരമ സ്റ്റുഡിയോസ്, എബി എബ്രഹാം, ടോം ജോസഫ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ആന്റണി വര്‍ഗീസിനെ കൂടാതെ ലിജോ മോള്‍, സൈജു കുറുപ്പ്, വിജയരാഘവന്‍, കിച്ചു ടെല്ലാസ്, ജെസ് കുക്കു എന്നിവരാണ് ചിത്രത്തിലെ മറ്റു പ്രധാന അഭിനേതാക്കള്‍. പുതുമുഖം മുഹമ്മദ് കരാകിക്കൊപ്പം നിരവധി മാര്‍ഷല്‍ ആര്‍ട്ടിസ്റ്റുകളും ചിത്രത്തില്‍ അഭിനയിക്കുന്നുണ്ട്.
ജസ്റ്റിന്‍ വര്‍ഗീസ് ആണ് ചിത്രത്തിന് സംഗീതം ഒരുക്കുന്നത്. ഛായാഗ്രഹണം- സാലു കെ. തോമസ്, എഡിറ്റിംഗ്- രാകേഷ് ചെറുമഠം, പ്രൊഡക്ഷന്‍ ഡിസൈനര്‍- രാജേഷ് പി. വേലായുധന്‍, സൗണ്ട് ഡിസൈന്‍- രംഗനാഥ് രവി, ലൈന്‍ പ്രൊഡ്യൂസര്‍ ഫെബി സറ്റാലിന്‍, പ്രൊഡക്ഷന്‍ കണ്‍ട്രോളര്‍- നോബിള്‍ ജേക്കബ്ബ്, ചീഫ് അസോസിയേറ്റ് സുജിന്‍ സുജാതന്‍, കോസ്റ്റിയൂം മെര്‍ലിന്‍ ലിസബത്ത്, മേക്കപ്പ്- അര്‍ഷദ് വര്‍ക്കല, ആക്ഷന്‍- പിസി സറ്റണ്ട്‌സ്, വിഎഫ്എക്‌സ്- കോക്കനട്ട് ബഞ്ച്, സ്റ്റില്‍സ്- ജാന്‍ ജോസഫ് ജോര്‍ജ്, മാര്‍ക്കറ്റിംഗ്- അക്ഷയ് പ്രകാശ്, അഖില്‍ വിഷ്ണു, പബ്ലിസിറ്റി ടെന്‍ പോയിന്റ്.
Recent Comments