പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഉലകനായകന്‍ നായകനാകുന്ന ഇന്ത്യന്‍ 2. ചിത്രത്തിന്റെ ട്രെയിലര്‍ കഴിഞ്ഞ ദിവസങ്ങളില്‍ പുറത്തു വിട്ടിരുന്നു. ട്രെയിലര്‍ സിനിമാ പ്രേമികള്‍ ഏറെ അത്ഭുതത്തോടെയാണ് ട്രെയിലര്‍ വീക്ഷിച്ചത്. ഇന്ത്യന്‍ സിനിമയുടെ ആദ്യ ഭാഗത്തില്‍ സിബിഐ ഓഫീസര്‍ കൃഷ്ണസ്വാമിയായി വേഷമിട്ട നെടുമുടി വേണുവിനെയും തമിഴ് നടന്‍ മനോബാല, വിവേ എന്നിവരെയും ഇന്ത്യന്‍ 2 ലെ ട്രെയിലറില്‍ കാണാം. ഈ അതുല്യ പ്രതിഭകള്‍ നല്‍കിയ സംഭാവനകള്‍ക്കുള്ള ആദരസൂചകമായി ഈ താരങ്ങള്‍ ഉള്‍ക്കൊള്ളുന്ന രംഗങ്ങള്‍ സിജിഐയിലൂടെയാണ് അണിയറക്കാര്‍ പുനഃസൃഷ്ടിച്ചത്. എഐ, സിജിഐ, ബോഡി ഡബിള്‍സ് തുടങ്ങിയ സാങ്കേതിക വിദ്യകള്‍ ഉപയോഗിച്ചാണ് മണ്മറഞ്ഞ ഈ താരങ്ങളെ വീണ്ടുമെത്തിക്കുന്നത്.
2020 ഫെബ്രുവരിയില്‍ ചിത്രീകരണം ആരംഭിച്ച ശേഷം പല കാരണങ്ങളാല്‍ സിനിമയുടെ പ്രവര്‍ത്തനം നിര്‍ത്തിവയ്‌ക്കേണ്ടി വന്നിരുന്നു. ഷൂട്ടിംഗിനിടെ ലൊക്കേഷനിലുണ്ടായ അപകടത്തില്‍ 3 പേര്‍ മരണപ്പെട്ടതും കോവിഡ് നിയന്ത്രങ്ങളും സാമ്പത്തിക പ്രതിസന്ധിയും സിനിമയെ കാര്യമായി ബാധിച്ചിരുന്നു. പിന്നീട് 2019 ലാണ് ഇന്ത്യന്‍ 2 ന്റെ ചിത്രീകരണം ആരംഭിച്ചത്.
2021 ലായിരുന്നു വിവേകിന്റെ മരണം. വിവേകിന്റെ രംഗങ്ങളെല്ലാം നേരത്തെതന്നെ ചിത്രീകരിച്ചുവച്ചിരുന്നു. അദ്ദേഹത്തിന്റെ കുറച്ചു രംഗങ്ങളില്‍ മാത്രമായിരിക്കും വിഎഫ്എക്‌സ് ഉപയോഗിക്കുക. 2023 ലായിരുന്നു മനോബാലയുടെ അന്ത്യം. ആരോഗ്യാവസ്ഥ മോശമായതിനാല്‍ മനോബലയ്ക്ക് ഇന്ത്യന്‍ 2 ല്‍ അഭിനയിക്കാന്‍ സാധിച്ചില്ല. അദ്ദേഹത്തിന്റെ രംഗങ്ങളെല്ലാം പൂര്‍ണ്ണമായും വിഎഫ്എക്‌സിലാകും ചിത്രീകരിച്ചിരിക്കുന്നത്.
ലൈക്ക പ്രൊഡക്ഷന്‍സിന്റെ ബാനറില്‍ സുഭാസ്‌കരനും റെഡ് ജെയിന്റ് മൂവീസിന്റെ ബാനറില്‍ ഉദയനിധി സ്റ്റാലിനും ചേര്‍ന്ന് നിര്‍മ്മിക്കുന്ന ഈ ബിഗ് ബജറ്റ് ചിത്രം ശ്രീ ഗോകുലം ഗോപാലന്റെ ഉടമസ്ഥതയിലുള്ള ശ്രീഗോകുലം മൂവീലാണ് കേരളത്തില്‍ വിതരണത്തിനെത്തിക്കുന്നത്. ജൂലൈ 12 മുതല്‍ ചിത്രം തീയേറ്ററുകളിലെത്തും.
Recent Comments