മാനവസേന വെല്‍ഫയര്‍ സൊസൈറ്റിയുടെ ഭരത് ഗോപി പുരസ്‌കാരം നടന്‍ സലിംകുമാറിന്. പുരസ്‌കാരം ലഭിച്ച വിവരം സോഷ്യല്‍ മീഡിയയിലൂടെ താരം പങ്കുവച്ചു. ‘ഞാന്‍ ഏറെ ആരാധിക്കുന്ന അഭിനയ പ്രതിഭ ഭരത് ഗോപിയുടെ പേരിലുള്ള പുരസ്‌കാരം എനിക്ക് ലഭിച്ചതില്‍ ഏറെ അഭിമാനം തോന്നുന്നു’ എന്ന് കുറിപ്പോടെയാണ് പോസ്റ്റ്. താരത്തിന് നിരവധി ആളുകളാണ് ആശംസകള്‍ നേര്‍ന്നത്.
ആഗസ്റ്റ് 15 ന് ആറ്റിങ്ങലില്‍വച്ച് നടക്കുന്ന വാര്‍ഷികാഘോഷ ചടങ്ങിലായിരിക്കും പുരസ്‌കാരം സമ്മാനിക്കുക. 25000 രൂപം പ്രശസ്തി പത്രവും ശില്‍പ്പവുമടങ്ങുന്നതാണ് പുരസ്‌കാരം. കേരള ഭക്ഷ്യവകുപ്പ് സിവില്‍ സപ്ലാസ് മന്ത്രി ജി.ആര്‍. അനില്‍ പുരസ്‌കാരം സമ്മാനിക്കും.
Recent Comments