വിഷ്ണു ഉണ്ണികൃഷ്ണനെ നായകനാക്കി ശ്രീജിത്ത് വിജയന്‍ സംവിധാനം ചെയ്യുന്ന ചിത്രമാണ് ഇടിയന്‍ ചന്തു. പേര് സൂചിപ്പിക്കുംപോലെ ഒരു ആക്ഷന്‍ പാക്ഡ് എന്റര്‍ടെയ്‌നറായിട്ടാണ് ചിത്രത്തിന്റെ ടീസര്‍ പുറത്തിറങ്ങിയിരിക്കുന്നത്. പ്രശസ്ത ആക്ഷന്‍ കോറിയോഗ്രാഫര്‍ പീറ്റര്‍ ഹെയ്ന്‍ ഒരുക്കിയ അതിഗംഭീര സംഘട്ടന രംഗങ്ങളളും ഒപ്പം നര്‍മ്മവും വൈകാരികമായ ജീവിത മുഹൂര്‍ത്തങ്ങളും നിറഞ്ഞ ചിത്രം ജൂലൈ 19 ന് റിലീസ് ചെയ്യുന്നു.
ക്രിമിനല്‍ പോലീസുകാരനായ അച്ഛനെ കണ്ടു വളര്‍ന്ന ചന്തു ചെറുപ്പം മുതലേ കലഹപ്രിയനായി വളര്‍ന്നുവരുന്നു. അങ്ങനെ നാട്ടുകാര്‍ ഇട്ട വട്ടപ്പേരാണ് ഇടിയന്‍ ചന്തു. ചന്തുവിന്റെ ഇടിയന്‍ സ്വഭാവം തല്‍ക്കാലം മാറ്റിവച്ച് പ്ലസ്ടു എങ്ങനെയെങ്കിലും പാസായി അച്ഛന്റെ ജോലി വാങ്ങിച്ചെടുക്കാനായി, അമ്മ വീടിനടുത്തുള്ള സ്‌കൂളില്‍ ചന്തുവിനെ പഠിപ്പിക്കാന്‍ വിടുന്നതിന് ശേഷമുള്ള പ്രശ്‌നങ്ങളും അതേത്തുടര്‍ന്ന് ഉണ്ടാകുന്ന പ്രതിസന്ധികളും ത്രില്ലടിപ്പിക്കുന്ന മുഹൂര്‍ത്തങ്ങളുമാണ് സിനിമയുടെ ഇതിവൃത്തം.
വിഷ്ണു ഉണ്ണികൃഷ്ണനെ കൂടാതെ സലിം കുമാര്‍, ചന്തു സലിംകുമാര്‍, ലാലു അലക്‌സ്, ജോണി ആന്റണി, ലെന, രമേശ് പിഷാരടി, ശ്രീജിത്ത് രവി, ഐ.എം. വിജയന്‍, ബിജു സോപാനം, സ്മിനു സിജോ, ഗായത്രി അരുണ്‍, ജയശ്രീ, വിദ്യ, ഗോപി കൃഷ്ണന്‍, ദിനേശ് പ്രഭാകര്‍, കിച്ചു ടെല്ലസ്, സോഹന്‍ സീനുലാല്‍, സൂരജ്, കാര്‍ത്തിക്ക്, ഫുക്രു എന്നിവരും ചിത്രത്തില്‍ അഭിനയിക്കുന്നു.
ഹിപ്പി പ്രൊഡക്ഷന്‍സിന്റെ ബാനറില്‍ സുബൈര്‍, റയിസ്, ഷഫീക്ക്, വിഷ്ണു ഉണ്ണികൃഷ്ണന്‍, ശ്രീജിത്ത് വിജയന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. എഡിറ്റര്‍ വി. സാജന്‍, ഛായാഗ്രഹണം വിഘ്‌നേഷ് വാസു, എക്‌സിക്യൂട്ടീവ് പ്രൊഡ്യൂസര്‍ മഹാജന്‍, പ്രോജക്‌സ് ഡിസൈനര്‍ റാഫി കണ്ണാടിപ്പറമ്പ, പശ്ചാത്തല സംഗീതം ദീപക് ദേവ്, ഗാനരചന ശബരീഷ് വര്‍മ്മ, സന്തോഷ് വര്‍മ്മ, സംഗീതം അരവിന്ദ് ആര്‍ വാര്യര്‍, മിന്‍ഷാദ് സാറ, കലാസംവിധാനം സജീഷ് താമരശ്ശേരി, ദിലീഷ് നാഥ്, പ്രൊഡക്ഷന്‍ കണ്‍ട്രോളര്‍ പൗലോസ് കരുമറ്റം, സക്കീര്‍ ഹുസൈന്‍, മേക്കപ്പ് അര്‍ഷാദ് വര്‍ക്കല, കോസ്റ്റിയൂം റാഫി കണ്ണാടിപ്പറമ്പ, അസോസിയേറ്റ് ഡയറക്ടര്‍ സലീഷ് കരിക്കന്‍, സ്റ്റില്‍സ് സിബി ചീരന്‍.
Recent Comments