ഏരീസ് ടെലികാസ്റ്റിംഗ് പ്രൈവറ്റ് ലിമിറ്റഡിന്റെ ബാനറില്‍ അഭിനി സോഹന്‍ നിര്‍മിച്ച് നവാഗതനായ അരുണ്‍ വെണ്‍പാല കഥയും, സംവിധാനവും നിര്‍വഹിച്ച ഹൊറര്‍ ഇന്‍വെസ്റ്റിഗേഷന്‍ ചിത്രം ‘കര്‍ണിക’യിലെ ഗാനങ്ങള്‍ സൈന ഓഡിയോസിലൂടെ പുറത്തിറങ്ങി. പ്രശസ്ത സംവിധായകരായ പത്മകുമാര്‍, സിബി മലയില്‍, സോഹന്‍ റോയ്, സൈന വീഡിയോസ് എംഡി സൈന ബാവ, നായിക പ്രിയങ്ക നായര്‍, നടന്മാരായ വിയാന്‍ മംഗലശ്ശേരി, ആധവ് റാം എന്നിവര്‍ ചടങ്ങില്‍ സന്നിഹിതരായിരുന്നു.
വിക്ടര്‍ ജോസഫ് രചന നടത്തി അരുണ്‍ വെണ്‍പാല സംഗീത പകര്‍ന്ന അന്ന ബേബി പാടിയ പുതിയ ഗാനവും പുറത്തിറങ്ങിയിട്ടുണ്ട്. കവിത, സംവിധാനം, ചലച്ചിത്ര നിര്‍മ്മാണം, തിരക്കഥ എന്നിങ്ങനെ സിനിമയുടെ വിവിധ മേഖലകളില്‍ തന്റേതായ വ്യക്തിമുദ്ര പതിപ്പിച്ച സോഹന്‍ റോയ് ആണ് ചിത്രത്തിന്റെ പ്രോജക്ട് ഡിസൈനര്‍. ഈ ചിത്രത്തിലെ ഒരു പാട്ടിന്റെ രചനയും അദ്ദേഹം നിര്‍വഹിച്ചിട്ടുണ്ട്.
പ്രിയങ്ക നായരാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. കൂടാതെ പതിറ്റാണ്ടുകളായി മലയാള സിനിമാ ലോകത്തെ നിറസാന്നിധ്യമായ ടിജി രവിയും ചിത്രത്തില്‍ ഒരു പ്രധാന കഥാപാത്രമായെത്തുന്നു. മലയാളം, തമിഴ് ചിത്രങ്ങളിലൂടെ ശ്രദ്ധേയനായ വിയാന്‍ മംഗലശ്ശേരി മറ്റൊരു മുഖ്യ കഥാപാത്രത്തെ അവതരിപ്പിക്കുന്നു. ഈ സിനിമയിലൂടെ ആധവ് റാം എന്ന പുതുമുഖ നായകനെ ഏരീസ് ഗ്രൂപ് മലയാളികള്‍ക്ക് മുന്‍പിലേക്ക് പരിചയപ്പെടുത്തുന്നു. കൂടാതെ ഐശ്വര്യ വിലാസ്, ഗോകുല്‍, ശ്രീകാന്ത് ശ്രീകുമാര്‍ എന്നിവരും ഈ ചിത്രത്തില്‍ കഥാപാത്രങ്ങളായെത്തുന്നു.
തമിഴിലെയും തെലുങ്കിലെയും പ്രശസ്ത ഛായാഗ്രാഹകരുടെ അസ്സോസിയേറ്റായും അസിസ്റ്റന്റായും വര്‍ഷങ്ങളോളം പ്രവര്‍ത്തിച്ച അശ്വന്ത് മോഹന്‍ സ്വതന്ത്ര ഛായാഗ്രാഹകനാകുന്ന ആദ്യ മലയാള സിനിമ കൂടിയാണിത്. ബിജിഎം: പ്രദീപ് ടോം. പ്രോജക്ട് മാനേജര്‍: ജോണ്‍സണ്‍ ഇരിങ്ങോള്‍, ക്രിയേറ്റീവ് ഹെഡ്: ബിജു മജീദ്.
ലൈന്‍ പ്രൊഡ്യൂസര്‍ വിയാന്‍ മംഗലശ്ശേരി, ഫിനാന്‍സ് കണ്‍ട്രോളര്‍: സജീഷ് മേനോന്‍. ആര്‍ട്ട് രാകേഷ് നടുവില്‍. മേക്കപ്പ് അര്‍ഷാദ് വര്‍ക്കല. കോസ്റ്റുംസ് ഫെമിയ ജബ്ബാര്‍, മറിയ കുമ്പളങ്ങി. ആക്ഷന്‍ അഷ്‌റഫ് ഗുരുക്കള്‍.
പിആര്‍ഒ: എംകെ ഷെജിന്‍.
Recent Comments