ടെലിവിഷന്‍ പരമ്പരയായ മറിമാത്തിന്റെ മുഖ്യസാരഥികളായ മണികണ്ഠന്‍ പട്ടാമ്പിയും സലിം ഹസ്സനും ചേര്‍ന്ന് തിരക്കഥ രചിച്ച് സംവിധാനം ചെയ്യുന്ന പുതിയ ചിത്രമാണ് പഞ്ചായത്ത് ജെട്ടി. ചിത്രത്തിന്റെ ടീസര്‍ പുറത്തു വിട്ടിരിക്കുകയാണ് അണിയറ പ്രവര്‍ത്തകര്‍. സപ്ത തരംഗ് ക്രിയേഷന്‍സും ഗോവിന്ദ് ഫിലിംസും ചേര്‍ന്നു നിര്‍മ്മിക്കുന്ന ചിത്രത്തിന്റെ നിര്‍മ്മിക്കുന്ന ചിത്രം ജൂലൈ 26 ന് പ്രദര്‍ശനത്തിനെത്തുന്നു.
ഏറെ ജനപ്രീതി നേടിയ മറിമായം പരമ്പരയിലെ എല്ലാ അഭിനേതാക്കളുള്‍പ്പെടെ തെരഞ്ഞെടുത്ത നിരവധി പുതുമുഖങ്ങളും ചിത്രത്തില്‍ അണിനിരക്കുന്നുണ്ട്. പഞ്ചായത്ത് ജെട്ടി പുതിയ കഥയാണ്. യാത്രാസൗകര്യങ്ങള്‍ കുറഞ്ഞ ഒരു നാട്ടിന്‍പുറത്തിന്റെ ജീവിതത്തുടിപ്പുകളാണ് ചിത്രം പറയുന്നത്. നാട്ടിലെ വിവിധ പ്രശ്നങ്ങള്‍ ഈ ചിത്രത്തിലുടനീളം പ്രതിപാദിക്കുന്നുണ്ട്. ഓരോ പ്രശ്നങ്ങളിലും രാഷ്ട്രീയപാര്‍ട്ടികളുടെ ഇടപെടല്‍, അവര്‍ക്കിടയിലെ കിടമത്സരങ്ങള്‍… രാഷ്ടീയക്കാരുടെ രാഷ്ട്രീയ തന്ത്രങ്ങളും കുതന്ത്രങ്ങളും ഈ ചിത്രത്തിലൂടെ, സമകാലീന പ്രശ്നങ്ങളോടെ തന്നെ അവതരിപ്പിക്കുവാന്‍ ശ്രമിക്കുകയാണ് സംവിധായകര്‍. ഇതിലെ ഓരോ കഥാപാത്രങ്ങളും നമ്മുടെ സമൂഹത്തിന്റെ പ്രതീകങ്ങളാണ്.
മണികണ്ഠന്‍ പട്ടാമ്പി, സലിം ഹസന്‍, സലിം കുമാര്‍, നിയാസ് ബക്കര്‍, റിയാസ്, വിനോദ് കോവൂര്‍, രചനാ നാരായണന്‍കുട്ടി, സ്നേഹാ ശ്രീകുമാര്‍, ഉണ്ണി രാജാ, രാഘവന്‍, മണി ഷൊര്‍ണൂര്‍, ഗീതി സംഗീത, ഒ.പി. ഉണ്ണികൃഷ്ണന്‍, ഉണ്ണി നായര്‍ എന്നിവരാണ് പ്രധാന താരങ്ങള്‍. സന്തോഷ് വര്‍മ്മയുടെ വരികള്‍ക്ക് രഞ്ജിന്‍ രാജ് ഈണം പകര്‍ന്നിരിക്കുന്നു. ഛായാഗ്രഹണം- ക്രിഷ് കൈമള്‍, എഡിറ്റിംഗ്- ശ്യാം ശശിധരന്‍, കലാസംവിധാനം- സാബു മോഹന്‍, മേക്കപ്പ്- ഹസന്‍ വണ്ടൂര്‍, കോസ്റ്റ്യും ഡിസൈന്‍- അരുണ്‍ മനോഹര്‍, ചീഫ് അസ്സോസ്സിയേറ്റ് ഡയറക്ടര്‍- രാജേഷ് അടൂര്‍, അസ്സോസ്സിയേറ്റ് ഡയറക്ടേര്‍സ്- അശ്വിന്‍ മോഹന്‍, അനില്‍ അലക്സാണ്ടര്‍, എക്സിക്കുട്ടീവ് പ്രൊഡ്യൂസേര്‍സ്- പ്രേം പെപ്കോ, ബാലന്‍ കെ. മങ്ങാട്ട്, ഓഫീസ് നിര്‍വ്വഹണം- ജിതിന്‍ ടി. വേണുഗോപാല്‍, പ്രൊഡക്ഷന്‍ മാനേജര്‍- അതുല്‍ അശോക്, പ്രൊഡക്ഷന്‍ എക്സിക്കുട്ടീവ്- പ്രഭാകരന്‍ കാസര്‍കോഡ്, പ്രൊഡക്ഷന്‍ കണ്‍ട്രോളര്‍- ബാബുരാജ് മനിശ്ശേരി.
Recent Comments