വിശ്വപ്രശസ്ത സാഹിത്യകാരന്‍ എം.ടി. വാസുദേവന്‍ നായരുടെ ഒന്‍പത് കഥളെ ആസ്പദമാക്കി ഒരുങ്ങുന്ന ആന്തോളജി സീരിസ് ‘മനോരഥങ്ങള്‍’ ട്രെയിലര്‍ റിലീസ് ചെയ്തു. മമ്മൂട്ടി, മോഹന്‍ലാല്‍, ഫഹദ് ഫാസില്‍, ആസിഫ് അലി, ബിജു മേനോന്‍, ഇന്ദ്രജിത്ത് സുകുമാരന്‍, പാര്‍വ്വതി തിരുവോത്ത്, വിനീത്, സുരഭി ലക്ഷ്മി, ആന്‍ അഗസ്റ്റിന്‍ തുടങ്ങിയവര്‍ ഭാഗമാവുന്ന ആന്തോളജി സിനിമകള്‍ ഒടിടിയിലേയ്ക്ക്. ചിത്രങ്ങള്‍ സീ 5 ഒടിടി പ്ലാറ്റ്‌ഫോമിലൂടെ ഓഗസ്റ്റ് 15 ന് റിലീസ് ചെയ്യും. സീരീസ് കമല്‍ഹാസന്റെ അവതരണത്തോടെയാണ് ആരംഭിക്കുന്നത്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളില്‍ ലഭ്യമാണ്.
പ്രിയദര്‍ശന്‍, ജയരാജ്, ശ്യാമപ്രസാദ്, സന്തോഷ് ശിവന്‍, മഹേഷ് നാരായണന്‍, രഞ്ജിത്ത്, രതീഷ് അമ്പാട്ട് തുടങ്ങിയ സംവിധായകരാണ് ചിത്രങ്ങളൊരുക്കുന്നത്. എം.ടിയുടെ മകളും പ്രശസ്ത നര്‍ത്തകിയുമായ അശ്വതി ശ്രീകാന്താണ് ഇതിലൊരു സിനിമ ഒരുക്കുന്നത്. സീരീസില്‍ രണ്ട് ചിത്രങ്ങള്‍ സംവിധാനം ചെയ്തിരിക്കുന്നത് പ്രിയദര്‍ശനാണ്.
പ്രിയദര്‍ശന്‍ സംവിധാനം ചെയ്യുന്ന ഓളവും തീരവും എന്ന ചിത്രത്തില്‍ മോഹന്‍ലാലും ശിലാലിഖിതം എന്ന ചിത്രത്തില്‍ ബിനുമേനോനുമാണ് നായകന്‍. രഞ്ജിത്ത് സംവിധാനം ചെയ്യുന്ന കടുഗണ്ണാവ ഒരു യാത്രാക്കുറിപ്പ് എന്ന ചിത്രത്തില്‍ മമ്മൂട്ടിയാണ് നായകന്‍. മഹേഷ് നാരായണന്‍ സംവിധാനം ചെയ്യുന്ന ഷെര്‍ലക്കില്‍ ഫഹദ് ഫാസിലാണ് നായകന്‍.
സന്തോഷ് ശിവന്‍ സംവിധാനം ചെയ്യുന്ന അഭയം തേടി വീണ്ടും എന്ന ചിത്രത്തില്‍ സിദ്ധിക്കാണ് മുഖ്യവേഷത്തിലെത്തുന്നത്. അതേസമയം ജയരാജ് സംവിധാനം ചെയ്യുന്ന സ്വര്‍ഗം തുറക്കുന്ന സമയത്തില്‍ നെടുമുടി വേണു, സുരഭി, ഇന്ദ്രന്‍ എന്നിവരാണ് അഭിനയിക്കുന്നത്. ശ്യാമപ്രസാദ് സംവിധായകനാകുന്ന കാഴ്ചയില്‍ പാര്‍വ്വതി തിരുവോത്തും രതീഷ് അമ്പാട്ടിന്റെ കടല്‍ക്കാറ്റില്‍ ഇന്ദ്രജിത്തും അപര്‍ണ്ണ ബാലമുരളിയും പ്രധാന കഥാപാത്രങ്ങളെ അതരിപ്പിക്കുന്നു.
എം.ടിയുടെ മകള്‍ അശ്വതി ശ്രീകാന്ത് സംയവിധാനം ചെയ്യുന്ന ചിത്രത്തില്‍ ആസിഫ് അലിയും മധുബാലയുമാണ് മുഖ്യ കഥാപാത്രങ്ങളെ അവതരിപ്പിക്കുന്നത്. എം.ടിയുടെ വില്‍പ്പന എന്ന ചെറുകഥയാണ് അശ്വതി സംവിധാനം ചെയ്യുന്നത്.
Recent Comments