സൂപ്പര്‍ ഹിറ്റ് ചിത്രം മഞ്ഞുമ്മല്‍ ബോയ്‌സിലൂടെ മലയാളത്തിന് പുറമെ ഉത്തരേന്ത്യന്‍ പ്രേക്ഷകര്‍ക്കിടയില്‍ ശ്രദ്ധയാനായിരിക്കുകയാണ് സംവിധായകനും തിരക്കഥാകൃത്തുമായ ചിദംബരം. ഇപ്പഴിതാ ബോളിവുഡില്‍ അങ്ങേറ്റം കുറിക്കാനൊരുങ്ങുകയാണ് സംവിധായകന്‍ ചിദംബരം.
ബോളിവുഡിലെ ശ്രദ്ധേയ നിര്‍മ്മാണ കമ്പനിയായ ഫാന്റം സ്റ്റുഡിയോസാണ് ചിത്രം നിര്‍മ്മിക്കുന്നത്. നിര്‍മ്മാതാക്കള്‍ തന്നെയാണ് ഇക്കാര്യം സോഷ്യല്‍ മീഡിയയിലൂടെ അറിയിച്ചത്. അനന്യമായ വീക്ഷണവും കഥ പറയല്‍ ശേഷിയും കൊണ്ട് തെന്നിന്ത്യയില്‍ ഇതിനകം മുദ്രപതിപ്പിച്ച ചിദംബരത്തിനൊപ്പം, അദ്ദേഹത്തിന്റെ ഹിന്ദി സിനിമാ അരങ്ങേറ്റത്തില്‍ കൂടെച്ചേരാന്‍ ഏറെ ആവേശമുണ്ടെന്ന് ഫാന്റം സ്റ്റുഡിയോസ് സോഷ്യല്‍മീഡിയയില്‍ കുറിച്ചു. അതേസമയം ചിത്രത്തെസംബന്ധിച്ച് കൂടുതല്‍ വിവരങ്ങളൊന്നും പുറത്തുവിട്ടിട്ടില്ല.
2021 ല്‍ പുറത്തിറങ്ങിയ ജാന്‍ എ മന്‍ ആണ് ചിദംബരത്തിന്റെ അരങ്ങേറ്റ ചിത്രം.
Recent Comments