പ്രതീക്ഷയ്ക്കപ്പുറം വന്‍ ഹിറ്റായി മാറിയ ബിജുമേനോന്‍-ആസിഫ് അലി ചിത്രമായിരുന്നു തലവന്. വേറിട്ട ഒരു ഇന്‍വെസ്റ്റിഗേഷന്‍ ത്രില്ലര്‍ ചിത്രമായ തലവന്റെ രണ്ടാംഭാഗവും അനൗണ്‍സ് ചെയ്യപ്പെട്ടുകഴിഞ്ഞു. ഇപ്പോഴിതാ തലവന് ഒടിടിയില്‍ എത്തുകയാണ്.
ഒടിടി പ്ലാറ്റ്‌ഫോമായ സോണിലിവിലൂടെ ചിത്രം സ്ട്രീം ചെയ്യുമെന്നാണ് ചിത്രത്തിന്റെ അപ്‌ഡേറ്റുകള്‍ ചൂണ്ടിക്കാട്ടുന്നത്. ജിസ് ജോയ് ആണ് ചിത്രം സംവിധാനം നിര്‍വ്വഹിച്ചിരിക്കുന്നത്. പാകമൊത്ത ഒരു ഇന്‍വെസ്റ്റിഗേഷന്‍ തില്ലര്‍ ചിത്രമായി തലവന് മാറി എന്നാണ് റിപ്പോര്‍ട്ട്.
ബിജുമേനോനും ആസിഫ് അലിക്കുമൊപ്പം സുജിത് ശങ്കര്‍, അനുശ്രീ, മിയ, ജോജി ജോണ്‍, ശങ്കര്‍ രാമകൃഷ്ണന്‍, രഞ്ജിത്ത്, ജാഫര്‍ ഇടുക്കി, ടെസ്സാ ജോസ്, ദിലീഷ് പോത്തന്‍, ബിലാസ് ചന്ദ്രദാസന്‍, ആനന്ദ് ഭായ്, രഞ്ജിത്ത് ശേഖര്‍, കോട്ടയം നസീര്‍ എ്‌നിവരും വേഷമിടുന്നു. സംവിധായകന്റെ പക്വതയാര്‍ന്ന ആഖ്യാനമാണ് ഇന്‍വെസ്റ്റിഗേഷന്‍ സിനിമ എന്ന നിലയില്‍ തലവന് കരുത്തേകുന്നത്.
അരുണ്‍ നാരായണനും സിജോ സേബാസ്റ്റിയനും നിര്‍മ്മിച്ച ചിത്രത്തിന്റെ ഛായാഗ്രഹണം നിര്‍വ്വഹിച്ചിരിക്കുന്നത് ശരണ്‍ വേലായുധനാണ്. സംഗീതം ദീപക് ദേവുമാണ് നിര്‍വ്വഹിച്ചിരിക്കുന്നത്.
Recent Comments