രജനി ചിത്രമായ ജയിലറിലെ ഹിറ്റ് ഗാനമായ ‘കാവാലയ്യ..’ എന്ന ഗാനത്തിന് ചുവടു വച്ചത് തെന്നിന്ത്യന്‍ താരസുന്ദരി തമന്നയായിരുന്നു. കഴിഞ്ഞ ദിവസം മറ്റൊരു കിടിലന്‍ ഡാന്‍സ് നമ്പരുമായി എത്തിയിരിക്കുകയാണ് നടി തമന്ന. രാജ് കുമാറും റാവുവും ശ്രദ്ധ കപൂറും കേന്ദ്രകഥാപാത്രങ്ങളെ അവതരിപ്പിക്കുന്ന സ്ത്രീ 2 ല്‍ ആണ് തമന്ന പ്രത്യക്ഷപ്പെടുന്ന ആ ഗാനരംഗം.
സച്ചിന്‍- ജിഗര്‍ സംഗീതം നല്‍കിയ ഗാനത്തിന് വരികള്‍ എഴുതിയിരിക്കുന്നത് അമിതാഭ് ഭട്ടാചാര്യ ആണ്. മധുബന്തി ബാഗ്ചി, ദിവ്യ കുമാര്‍, സച്ചിന്‍-ജിഗര്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. ഇതിനോടകംതന്നെ പത്ത് മില്യണിലധികം പേരാണ് ഗാനം കണ്ടുകഴിഞ്ഞത്. ചിത്രം ഓഗസ്റ്റ് 15 ന് തീയേറ്ററുകളിലെത്തും.
ചിത്രത്തില്‍ അപര്‍ശക്തി ഖുറാന, പങ്കജ് ത്രിപാഠി, അഭിഷേക് ബാനര്‍ജി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ദിനേഷ് വിജയന്റെ മഡോക്ക് ഫിലിംസാണ് അമര്‍ കൗശിക് സംവിധാനം ചെയ്യുന്ന സ്ത്രീ 2 നിര്‍മ്മിക്കുന്നത്.
അമര്‍ കൗശിക് സംവിധാനം നിര്‍വ്വഹിച്ച ഹൊറര്‍-കോമഡി ജോണറിലായിരുന്നു സ്ത്രീ റിലീസ് ചെയ്തത്. അരമനൈ 4 ആണ് തമന്നയുടേതായി അവസാനം റിലീസ് ചെയ്ത ചിത്രം.
Recent Comments