ഇന്ത്യന്‍ ഫിലിം ഫെസ്റ്റിവല്‍ ഓഫ് മെല്‍ബണില്‍ വേള്‍ഡ് പ്രീമിയര്‍ ആയി സെലക്ഷന്‍ നേടിയ, ഗോവിന്ദ് പത്മസൂര്യ നായകനാകുന്ന മനോരാജ്യം എന്ന സിനിമയുടെ ടീസര്‍ റിലീസായി. നടന്‍ ജയസൂര്യ തന്റെ സോഷ്യല്‍ മീഡിയ പേജിലൂടെയാണ് ടീസര്‍ റിലീസ് ചെയ്തത്.
ഓസ്‌ട്രേലിയന്‍ ഫിലിം ഫെസ്റ്റിവലില്‍ സെലക്ഷന്‍ നേടിയ ചിത്രമാണ് മനോരാജ്യം. ഇന്‍ഡീജീനിയസ് ഫിലിംസിന്റെ ബാനറില്‍ സികെ അനസ് മോന്‍ നിര്‍മ്മിച്ച് റഷീദ് പാറക്കല്‍ തിരക്കഥയെഴുതി സംവിധാനം ചെയ്തിരിക്കുന്ന ചിത്രം പൂര്‍ണമായും ഓസ്‌ട്രേലിയയിലാണ് ചിത്രീകരിച്ചിരിക്കുന്നത്. സമീര്‍ എന്ന ചിത്രത്തിനു ശേഷം അദ്ദേഹം സംവിധാനം ചെയ്യുന്ന ചിത്രമാണിത്. ഒരു ഇടവേളയ്ക്ക് ശേഷം ഗോവിന്ദ് പത്മസൂര്യ നായകനായെത്തുന്ന മലയാള ചിത്രംകൂടിയാണ് മനോരാജ്യം.
കേരള തനിമയില്‍ ജീവിക്കാന്‍ ആഗ്രഹിക്കുന്ന ആസ്‌ട്രേലിയയില്‍ താമസിക്കുന്ന മനുവിന്റെയും പ്രവാസ ജീവിതം ആസ്വദിക്കാന്‍ ആഗ്രഹിക്കുന്ന സുഹൃത്തിന്റേയും കഥയാണ് മനോരാജ്യം. മനുവിന്റെയും നായികയായ മിയയുടെയും സംഘര്‍ഷഭരിതമായ ജീവിതമാണ് ചിത്രത്തിന്റെ പ്രമേയം. രഞ്ജിത മേനോന്‍, നവാസ് വള്ളിക്കുന്ന്, ഗോകുലന്‍, ജസണ്‍വുഡ്, റയാന്‍ ബിക്കാടി, യശ്വിജസ്വല്‍ തുടങ്ങിയവരാണ് ചിത്രത്തില്‍ മറ്റ് പ്രധാന വേഷങ്ങളിലെത്തുന്നത്. ഫാമിലി ഡ്രാമയാണ് ചിത്രം.
മധേസ് ആര് ക്യാമറമാന്‍ ആയിട്ടുള്ള ചിത്രത്തിന്റെ എഡിറ്റര്‍ നൗഫല്‍ അബ്ദുള്ളയാണ്. റഷീദ് പാറക്കല്‍, രഞ്ജിത മേനോന്‍ എന്നിവരുടെ വരികള്‍ക്ക് യുനസിയോ യാണ് ഈണം പകര്‍ന്നിരിക്കുന്നത്. കോ പ്രൊഡ്യൂസര്‍ -രശ്മി ജയകുമാര്‍, മാര്‍ക്ക് യു എസ് കോണ്‍സെപ്ഷന്‍- അയൂബ് തലശ്ശേരി പറമ്പില്‍. ബിജിഎം -സുപ, രാമു. ആര്‍ട്ട് ഡയറക്ടര്‍ – ശ്രീരാജ് രാജപ്പന്‍, രെജു റാഫെല്‍. മേക്കപ്പ് -ലിജി വര്‍ഗീസ്,യാഷ്വി ജസ്വല്‍. പ്രൊഡക്ഷന്‍ കണ്‍ട്രോളര്‍ – പി സി മുഹമ്മദ്. കോസ്റ്റുംസ് – ശബാന, ഇയ്‌ന, എ ആര് ഹാന്‍ഡ്ലൂംസ്. ചീഫ് അസോസിയേറ്റ് ഡയറക്ടര്‍ -ലിനീഷ് ജോണ്‍. അസോസിയേറ്റ് ഡയറക്ടര്‍ നൈനാന്‍ ഷെരീഫ്. അസിസ്റ്റന്റ് ഡയറക്ടര്‍ സുബിന്‍ ജോസഫ്. അസോസിയേറ്റ് ക്യാമറാമാന്‍ അഷ്‌കര്‍ അലി ഖാന്‍. കളറിസ്റ്റ് – ബിലാല്‍ റഷീദ്. സൗണ്ട് ഡിസൈന്‍ -കരുണ്‍ പ്രസാദ്. സ്റ്റില്‍സ് -നിസാര്‍ മൊയ്ദീന്‍. ഡിസൈന്‍ – സജീഷ് എം ഡിസൈന്‍ തുടങ്ങിയവരാണ് മറ്റു അണിയറ പ്രവര്‍ത്തകര്‍. പിആര്‍ഒ എം കെ ഷെജിന്‍.
Recent Comments