ദുല്‍ഖര്‍ സല്‍മാന്റേതായി ചിത്രീകരണം പൂര്‍ത്തിയായ ഏറ്റവും പുതിയ ചിത്രമാണ് ലക്കി ഭാസ്‌കര്‍. ചിത്രത്തിന്റെ ടൈറ്റില്‍ ട്രാക്ക് പുറത്ത് വിട്ടിരിക്കുകയാണ് നിര്‍മ്മാതാക്കള്‍. താരത്തിന്റെ ബര്‍ത്ത്‌ഡേ ട്രീറ്റായിട്ടാണ് ട്രാക്ക് പുറത്തിറക്കിയിരിക്കുന്നത്. ഇന്ത്യന്‍ പോപ്പ് ഗായിക ഉഷാ ഉതുപ്പാണ് ടൈറ്റില്‍ ട്രാക്ക് ആലപിച്ചിരിക്കുന്നത്.
സിത്താര എന്റര്‍ടെയ്ന്‍മെന്റ്‌സ്, ഫോര്‍ച്ച്യൂണ്‍ ഫോര്‍ സിനിമാസ് എന്നീ ബാനറുകളില്‍ സൂര്യദേവര നാഗവംശിയും സായി സൗജന്യയും നിര്‍മ്മിച്ച് ശ്രീകര സ്റ്റുഡിയോ അവതിപ്പിക്കുന്ന ചിത്രമാണ് ലക്കി ഭാസ്‌കര്‍. തിരക്കഥയും സംവിധാനവും നിര്‍വ്വഹിച്ചിരിക്കുന്നത് വെങ്കി അട്‌ലൂരിയാണ്.
ചിത്രത്തില്‍ ദുല്‍ഖറിന്റെ നായികയായി എത്തുന്നത് മീനാക്ഷി ചൗധരിയാണ്. ജി.വി. പ്രകാശ് കുമാറിന്റേതാണ് സംഗീതം. ഛായാഗ്രഹണം നിമിഷ് രവിയും എഡിറ്റിംഗ് നവീന്‍ നൂലിയും നിര്‍വ്വഹിച്ചിരിക്കുന്നു. നിലവില്‍ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്ന ചിത്രത്തിന്റെ റിലീസ് സെപ്തംബര്‍ 7 ന് തീയേറ്ററുകളിലെത്തും.
Recent Comments