ആരാധകര്‍ ആകാംക്ഷയോടെ കാത്തിരിക്കുന്ന ചിത്രമാണ് സൂര്യ നായകനായി എത്തുന്ന കങ്കുവ. സൂര്യയുടെ എക്കാലത്തെയും വിജയമായിരിക്കും ചിത്രമെന്നാണ് പ്രതീക്ഷിക്കപ്പെടുന്നത്. 3D ആയിട്ടാണ് കങ്കുവ പ്രേക്ഷകരുടെ മുന്നില്‍ എത്തുന്നത്. കങ്കുവയിലേതായി അടുത്തിടെ പുറത്തുവിട്ട ഫയര്‍ ഗാനത്തെക്കുറിച്ച് നായകന്‍ സൂര്യ അടക്കമുള്ളവര്‍ വിവരിക്കുന്ന വീഡിയോ പുറത്തുവിട്ടിരിക്കുകയാണ്.
സിരുത്തൈ ശിവ സംവിധാനം നിര്‍വ്വഹിക്കുന്ന കങ്കുവ ഒന്നിനൊപ്പം രണ്ടാം ഭാഗത്തിന്റെയും കഥ പൂര്‍ത്തിയായിട്ടുണ്ട് എന്ന് നിര്‍മ്മാതാവ് വ്യക്തമാക്കിയിരുന്നു. കങ്കുവ രണ്ടിന്റെ ചിത്രീകരണം എപ്പോഴായിരിക്കുമെന്നും ചിത്രത്തിന്റെ നിര്‍മ്മാതാവ് സൂചിപ്പിച്ചു. കങ്കുവ 2 2026 ല്‍ തീര്‍ക്കാനാണ് തങ്ങള്‍ ഉദ്ദേശിക്കുന്നതെന്ന് കെ.ഇ. ഝാനവേല്‍ പറഞ്ഞതായും റിപ്പോര്‍ട്ടുണ്ട്.
കങ്കുവയിലെ യുദ്ധരംഗം വന്‍ ക്യാന്‍വാസിലാണ് ചിത്രീകരിച്ചതെന്നാണ് സൂചന. 10,000 ആള്‍ക്കാര്‍ ആ യുദ്ധരംഗത്ത് വേഷമിടും എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഒരു നടനെന്ന നിലയില്‍ കങ്കുവ വലിയ അനുഗ്രഹമാണെന്ന് സൂര്യ പറഞ്ഞു. അറിയാത്ത ഒരു പ്രദേശത്ത് നടക്കുന്ന കഥയായതിനാല്‍ കങ്കുവ പ്രധാനപ്പെട്ടതാണെന്നും സൂര്യ വ്യക്തമാക്കി.
ആമസോണ്‍ പ്രൈം വീഡിയോയാണ് ചിത്രത്തിന്റെ ഒടിടി റൈറ്റ്‌സ് നേടിയത് എന്നതും ശ്രദ്ധേയമാണ്. ഒക്ടോബര്‍ 10 ന് ചിത്രം ലോകമെമ്പാടുമുള്ള തീയേറ്ററുകളില്‍ പ്രദര്‍ശനത്തിനെത്തും.
Recent Comments