തളിപ്പറമ്പ് കളക്ഷന്‍ സെന്ററിലെ ദുരിതാശ്വാസ പ്രവര്‍ത്തനങ്ങളില്‍ സജീവമായി പങ്കെടുത്ത് സിനിമാതാരം നിഖിലാ വിമല്‍. ഡി.വൈ.എഫ്.ഐയുടെ നേതൃത്വത്തില്‍ വയനാട്ടിലേയ്ക്ക് അവശ്യസാധനങ്ങള്‍ എത്തിക്കുന്നതിന് ആരംഭിച്ച കളക്ഷന്‍ സെന്ററിലാണ് താരം എത്തിയത്. രാത്രി ഏറെ വൈകിയിട്ടും മറ്റു വാളണ്ടിയര്‍മാര്‍ക്കൊപ്പം കളക്ഷന്‍ സെന്ററില്‍ പ്രവര്‍ത്തനങ്ങളില്‍ നിഖില പങ്കാളിയായി. താരത്തിന്റെ വീഡിയോ സംഘാടകര്‍ സോഷ്യല്‍ മീഡിയയില്‍ പങ്കുവയ്ക്കുകയും ചെയ്തു.
View this post on Instagram
തന്റെ നിലപാടുകളും രാഷ്ട്രീയവും എന്നും തുറന്നു പറയുന്നതില്‍ മടി കാണിക്കാത്ത താരമാണ് നിഖില വിമല്‍. ഇതിന്റെ പേരില്‍ പലപ്പോഴും സൈബറാക്രമണങ്ങള്‍ നേരിടേണ്ടി വന്നിട്ടുണ്ട്. നിഖിലയെ അഭിനന്ദിച്ചും പ്രശംസിച്ചും നിരവധിപേര്‍ രംഗത്തെത്തി. പ്രാര്‍ത്ഥനയിലും പോസ്റ്റിലും മാത്രം ഒതുങ്ങാതെ നേരിട്ടിറങ്ങി പ്രവര്‍ത്തിക്കാന്‍ നിഖില കാണിച്ച മനസ്സ് കയ്യടിക്ക് അര്‍ഹയാണെന്നാണ് കമന്റുകള്‍. കണ്ണൂര്‍ തളപ്പറമ്പ് സ്വദേശിയാണ് നിഖില വിമല്‍.
Recent Comments