കേരളത്തിന്റെ മുഴുവന്‍ ഉള്ളുപൊട്ടിച്ച വയനാടന്‍ ദുരന്തത്തിന്റെ പശ്ചാത്തലത്തില്‍ റിലീസ് നീട്ടി വെച്ച ആസിഫ് അലി- സുരാജ് വെഞ്ഞാറമൂട് ചിത്രം ‘അഡിയോസ് അമിഗോ’യുടെ പുതിയ റിലീസ് തിയ്യതി പുറത്ത് വിട്ട് അണിയറപ്രവര്‍ത്തകര്‍. വയനാടിന് വേണ്ടി ഒന്നിക്കണമെന്നും വേണ്ട സഹായങ്ങള്‍ എത്തിക്കണമെന്നും അഭ്യര്‍ത്ഥിച്ച ആസിഫ് അലി ഉള്‍പ്പടെയുള്ള താരങ്ങളുടെ ചിത്രങ്ങള്‍ എല്ലാം തന്നെ റിലീസ് നീട്ടി വെച്ചിരുന്നു. ഓഗസ്റ്റ് രണ്ടിന് റിലീസ് നിശ്ചയിച്ചിരുന്ന ‘അഡിയോസ് അമിഗോ’ വയനാട് ദുരന്തത്തെ തുടര്‍ന്ന് താല്‍ക്കാലികമായി നീട്ടി വെച്ചുവെന്ന് നിര്‍മ്മാതാവ് ആഷിക് ഉസ്മാന്‍ അറിയിച്ചെങ്കിലും പുതിയ റിലീസ് തിയ്യതി പുറത്തു വിട്ടിരുന്നില്ല. ഈ ഓഗസ്റ്റ് 9 ന് ആണ് ‘അഡിയോസ് അമിഗോ’യുടെ പുതിയ റിലീസ് തിയ്യതി അറിയിച്ചിരിക്കുന്നത്.
ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാന്‍ നിര്‍മ്മിക്കുന്ന ചിത്രം നവാഗതനായ നഹാസ് നാസറാണ് സംവിധാനം ചെയ്യുന്നത്. ടോവിനോ ചിത്രം തല്ലുമാലയുടെ അസോസിയേറ്റ് ഡയറക്ടര്‍ ആയിരുന്ന നഹാസ് ആദ്യമായി സ്വതന്ത്ര സംവിധായകനാകുന്ന ചിത്രത്തിന്റെ രചന നിര്‍വ്വഹിച്ചിരിക്കുന്നത് തങ്കം ആണ്. കെട്ട്യോളാണ് ന്റെ മാലാഖയ്ക്ക് ശേഷം തങ്കം തിരക്കഥ ഒരുക്കുന്ന ചിത്രം കൂടിയാണ് ഇത്.
ആഷിക് ഉസ്മാന്‍ പ്രൊഡക്ഷസിന്റെ പതിനഞ്ചാമത് ചിത്രമായ ‘അഡിയോസ് അമിഗോ’സിന്റെ സംഗീതം നിര്‍വ്വഹിച്ചിരിക്കുന്നത് ഗോപി സുന്ദറും ജെക്ക്‌സ് ബിജോയും ചേര്‍ന്നാണ്. ക്യാമറ ജിംഷി ഖാലിദും. എഡിറ്റിംഗ് നിഷാദ് യൂസഫ്, ആര്‍ട്ട് ആഷിഖ് എസ്, ഗാനരചന വിനായക് ശശികുമാര്‍, പ്രൊഡക്ഷന്‍ കണ്‍ട്രോളര്‍ സുധര്‍മ്മന്‍ വള്ളിക്കുന്ന്, മേക്കപ്പ് റോണേക്‌സ് സേവ്യര്‍, ചീഫ് അസോസിയേറ്റ് ഡയറക്ടര്‍ ദിനില്‍ ബാബു, അസോസിയേറ്റ് ഡയറക്ടര്‍ ഓസ്റ്റിന്‍ ഡാന്‍, രഞ്ജിത്ത് രവി, സ്റ്റില്‍ ഫോട്ടോഗ്രാഫി രോഹിത് കെ സുരേഷ്, കൊറിയോഗ്രാഫര്‍ പി രമേഷ് ദേവ്, കോസ്റ്റ്യൂം ഡിസൈനര്‍ മഷര്‍ ഹംസ, ഓഡിയോഗ്രാഫി വിഷ്ണു ഗോവിന്ദ്, വി എഫ് എക്‌സ് ഡിജിബ്രിക്‌സ്, പബ്ലിസിറ്റി ഡിസൈന്‍ ഓള്‍ഡ്മങ്ക്‌സ്, വിതരണം സെന്‍ട്രല്‍ പിക്ചര്‍സ് റിലീസ്, മാര്‍ക്കറ്റിംഗ് ഒബ്‌സ്‌ക്യൂറ എന്റര്‍ടെയ്ന്‍മെന്റ്.
Recent Comments