ഗീതു മോഹന്‍ദാസ് സംവിധാനം ചെയ്യുന്ന യാഷ് ചിത്രം ‘ടോക്സിക് എ ഫെയറി ടെയില്‍ ഫോര്‍ ഗ്രൗണ്‍-അപ്സിന്റെ’ ചിത്രീകരണം ഓഗസ്റ്റ് 8ന് ആരംഭിക്കും ബാംഗ്ലൂരില്‍ ആരംഭിക്കും. ‘കെജിഎഫ് 2’ പ്രദര്‍ശനത്തിനെത്തി 844 ദിനങ്ങള്‍ കഴിയുമ്പോഴാണ് ‘ടോക്സിക്’ ചിത്രീകരണം ആരംഭിക്കാനായി യാഷ് തയാറാകുന്നത്. 2023 ഡിസംബര്‍ 8 ന് ഔദ്യോഗികമായി പ്രഖ്യാപിക്കപ്പെട്ട ചിത്രമാണ് ടോക്സിക്.
ഏറെ പ്രത്യേകതയുള്ള തീയതിയാണ് ഓഗസ്റ്റ് 8 (8-8-8). റോക്കിംഗ് സ്റ്റാര്‍ യാഷുമായി എട്ടാം നമ്പറിന് ശക്തമായ ബന്ധമുണ്ട്. ടോക്സിക്: എ ഫെയറി ടെയില്‍ ഫോര്‍ ഗ്രൗണ്‍-അപ്സിന്റെ ഔദ്യോഗിക പ്രഖ്യാപനം നടത്തിയതും അദ്ദേഹത്തിന്റെ ജനനത്തീയതിയിലായിരുന്നു.
ചിത്രീകരണത്തിന് മുന്നോടിയായി യാഷ്, നിര്‍മ്മാതാവ് വെങ്കട്ട് കെ. നാരായണയ്ക്കും അവരുടെ കുടുംബത്തിനുമൊപ്പം കര്‍ണാടകയിലെ നിരവധി ക്ഷേത്രങ്ങള്‍ സന്ദര്‍ശിച്ചു. ശ്രീസദാശിവ രുദ്ര സൂര്യ ക്ഷേത്രം, ധര്‍മ്മസ്ഥലയിലെ ശ്രീമഞ്ജുനാഥേശ്വര ക്ഷേത്രം, കര്‍ണാടകയിലെ സുബ്രഹ്‌മണ്യയിലെ കുക്കെ സുബ്രഹ്‌മണ്യ ക്ഷേത്രം എന്നിവിടങ്ങളിലായിരുന്നു ദര്‍ശനം നടത്തിയത്. യാഷിന്റെ ടോക്സികിന്റെ മറ്റു താരങ്ങളെക്കുറിച്ചും അണിയറപ്രവര്‍ത്തകരെക്കുറിച്ചുമുള്ള ഒഫീഷ്യല്‍ പ്രഖ്യാപനത്തിനായി കാത്തിരിക്കുകയാണ് സിനിമാ ലോകം. പിആര്‍ഒ പ്രതീഷ് ശേഖര്‍.
Recent Comments