ഹണിറോസിനെതിരെ വിവാദ പരാമര്‍ശം നടത്തിയ ബോബി ചെമ്മണ്ണൂരിനെതിരെ സമൂഹമാധ്യമങ്ങളില്‍ പ്രതിഷേധം. ഒരു പൊതുവേദിയില്‍ വച്ച് ബോബി ചെമ്മണ്ണൂര്‍ താരത്തിനെക്കുറിച്ച് നടത്തിയ പരാമര്‍ശങ്ങളാണ് വിവാദമായതും ഇപ്പോള്‍ പ്രതിഷേധങ്ങള്‍ക്ക് വഴിവച്ചിരിക്കുന്നതും. ഹണിറോസ് ബോബി ചെമ്മണ്ണൂരിനൊപ്പം ഒരേ വേദിയില്‍ നില്‍ക്കുമ്പോഴാണ് ഈ സംഭവം നടക്കുന്നത്.
ഒരു പരിപാടിയില്‍ പങ്കെടുക്കാന്‍ ബോബി ചെമ്മണ്ണൂരിന്റെ അതിഥിയായി എത്തിയതായിരുന്നു ഹണിറോസ്. പരിപാടിയുടെ ഭാഗമായി ബോബി ചെമ്മണ്ണൂരിന്റെ ജ്വലറിയും താരം സന്ദര്‍ശിച്ചിരുന്നു. ഒരു നെക്ലസ് കഴുത്തില്‍ അണിയിച്ചതിന് ശേഷം ബോബി ചെമ്മണ്ണൂര്‍ ഹണിറോസിനെ ഒന്നു കണക്കി. ‘നേരെ നിന്നാല്‍ മാലയുടെ മുന്‍ഭാഗമേ കാണൂ. മാലയുടെ പിന്‍ഭാഗം കാണാന്‍ വേണ്ടിയാണ് കറക്കിയത്.’ എന്നായിരുന്നു ബോബി ചെമ്മണ്ണൂര്‍ അതേക്കുറിച്ച് പറഞ്ഞത്. കൂടാതെ ഹണിറോസിനെ കാണുമ്പോള്‍ പുരാണത്തിലെ ഒരു കഥാപാത്രത്തെ ഓര്‍മ്മ വരുമെന്ന് ആ കഥാപാത്രത്തിന്റെ പേരും ബോബി എടുത്തുപറഞ്ഞു. ഈ രണ്ട് പരാമര്‍ശങ്ങളും വലിയ വിവാദത്തിനും പ്രതിഷേധത്തിനുമാണ് വഴിവച്ചിരിക്കുന്നത്.
ബോബി ചെമ്മണ്ണൂരിന്റെ വാക്കുകള്‍ അതിര് കടന്നെന്നും സ്ത്രീത്വത്തെ അപമാനിക്കുന്നതുമാണെന്നാണ് വിമര്‍ശനം. അശ്ലീലച്ചുവയുള്ള ഈ പരാമര്‍ശം ഒരാളും പൊതുസ്ഥലത്ത് പറയരുതാത്തതാണെന്ന് വിമര്‍ശകര്‍ ചൂണ്ടിക്കാട്ടുന്നു. എത്ര കുടുംബങ്ങള്‍ക്ക് വീട് വച്ച് കൊടുത്തിട്ടും കാര്യമില്ലെന്നും ഇത്തരം പരാമര്‍ശങ്ങള്‍ നിര്‍ഭാഗ്യകരമാണെന്നും ഇക്കൂട്ടര്‍ പറയുന്നു.
Recent Comments