വയനാട് ഉരുള്‍പൊട്ടല്‍ ദുരിതബാധിതരെ സഹായിക്കാക്കാനായി താരസംഘടനയായ അമ്മയും പ്രൊഡ്യൂസേഴ്‌സ് അസോസിയേഷനുമായി ചേര്‍ന്ന് സ്‌റ്റേജ് ഷോ നടത്തും. ഓഗസ്റ്റ് 20 ന് അങ്കമാലിയിലാണ് സ്‌റ്റേജ് ഷോ നടത്തുന്നത്. പരിപാടിയിലെ വരുമാനത്തിന്റെ വിഹിതം വയനാട് ദുരിതബാധിതര്‍ക്കായി നല്‍കുമെന്ന് ‘അമ്മ’യുടെ ജനറല്‍ സെക്രട്ടറി സിദ്ദിഖ് വാര്‍ത്താ സമ്മേളനത്തില്‍ പ്രഖ്യാപിച്ചു.
വയനാട്ടിലെ ദുരന്തമേഖല സന്ദര്‍ശിച്ച നടനും ലെഫ്റ്റനന്റ് കേണലുമായ മോഹന്‍ലാലിനെ അധിഷേപിച്ച സംഭവത്തില്‍ യൂട്യൂബര്‍ അജു അലക്‌സിനെ അറസ്റ്റ് ചെയ്തിട്ടുണ്ട്. ആര്‍ക്കും ആരേയും അധിക്ഷേപിക്കാമെന്ന രീതി ശരിയല്ല. വ്യക്തിതാല്‍പ്പര്യത്തിന്റെ അടിസ്ഥാനത്തിലായിരുന്നില്ല മോഹന്‍ലാല്‍ വയനാട് സന്ദര്‍ശിച്ചതെന്നും അദ്ദേഹത്തിന്റെ സന്ദര്‍ശനം പുണ്യപ്രവൃത്തിയാണെന്നും സിദ്ദിഖ് പറഞ്ഞു.
Recent Comments