സൂരിയെയും അന്ന ബെന്നിനെയും പ്രധാന കഥാപാത്രങ്ങളാക്കി പി.എസ്. വിനോദ് രാജ് സംവിധാനം ചെയ്യുന്ന ചിത്രമാണ് കോട്ടുക്കാളി. ചിത്രത്തിന്റെ ട്രെയിലര്‍ പുറത്തിറങ്ങി. ഓഗസ്റ്റ് 23 ന് ചിത്രം തീയേറ്ററുകളിലെത്തും.
73-ാം ബെര്‍ലിന്‍ ഇന്റര്‍നാഷണല്‍ ഫിലിം ഫെസ്റ്റിവലില്‍ പ്രീമിയര്‍ ചെയ്ത ചിത്രം ട്രാന്‍സ്‌സില്‍വാനിയ ഇന്റര്‍ നാഷണല്‍ ഫിലിം ഫെസ്റ്റിവലിലും പ്രദര്‍ശിപ്പിച്ചിരുന്നു.
ഒരു കോഴി കുറുകുന്ന ശബ്ദമാണ് ട്രെയിലര്‍ മൊത്തത്തിലുള്ളത്. പ്രേതബാധ ഒഴിപ്പിക്കാന്‍ രണ്ട് കുടുംബങ്ങള്‍ അന്ന ബെന്നിന്റെ കഥാപാത്രത്തെ ഒരു മലയിലേയ്ക്ക് കൊണ്ടുപോകുന്നതും അനുബന്ധ സംഭവങ്ങളുമാണ് ട്രെയിലറില്‍ കാണാന്‍ കഴിയുക.
തമിഴ് താരം ശിവകാര്‍ത്തികേയനാണ് ഈ ചിത്രം നിര്‍മ്മിക്കുന്നത്. ബി ശക്തിവേല്‍ ഛായാഗ്രഹണവും ഗണേശ് ശിവ എഡിറ്റിംഗും നിര്‍വ്വഹിച്ചിരിക്കുന്നു.
2021 ല്‍ റൊട്ടന്‍ഹാം ഫിലിം ഫെസ്റ്റിവലില്‍ മികച്ച ചിത്രത്തിനുള്ള ടൈഗര്‍ അവാര്‍ഡ് നേടി കൂഴങ്ങള്‍ എന്ന ചിത്രം സംവിധാനം ചെയ്തതും പി.എസ്. വിനോദ് രാജായിരുന്നു. നയന്‍താരയും വിഘ്‌നേശ് ശിവനുമായിരുന്നു ചിത്രത്തിന്റെ നിര്‍മ്മാതാക്കള്‍.
Recent Comments