ആന്റണി വര്‍?ഗീസ് നായകനായി എത്തുന്ന ‘കൊണ്ടല്‍’ എന്ന ചിത്രത്തില്‍ പ്രശസ്ത കന്നഡ താരം രാജ് ബി ഷെട്ടിയും. ഈ ചിത്രത്തില്‍ നിന്നുള്ള അദ്ദേഹത്തിന്റെ പോസ്റ്റര്‍ ഔദ്യോഗികമായി റിലീസ് ചെയ്തു. മമ്മൂട്ടി നായകനായ വൈശാഖ് ചിത്രം ടര്‍ബോയിലൂടെ മുഖ്യധാരാ മലയാള ചിത്രത്തില്‍ ഈ വര്‍ഷം അരങ്ങേറ്റം കുറിച്ച രാജ് ബി ഷെട്ടി, കൊണ്ടലിലും നിര്‍ണ്ണായക വേഷമാണ് ചെയ്യുന്നത്. ആര്‍ഡിഎക്‌സ് എന്ന ബ്ലോക്ക്ബസ്റ്റര്‍ ഹിറ്റ് ചിത്രത്തിന് ശേഷം സോഫിയ പോള്‍ നേതൃത്വം നല്‍കുന്ന വീക്കെന്‍ഡ് ബ്ലോക്ക്ബസ്റ്റര്‍സ് നിര്‍മ്മിച്ച ഈ ചിത്രം സംവിധാനം ചെയ്തിരിക്കുന്നത് അജിത് മാമ്പള്ളിയാണ്. ഗരുഡ ഗമന വൃഷഭ വാഹന, കാന്താര, 777 ചാര്‍ലി എന്നീ കന്നഡ സിനിമകളിലൂടെയാണ് രാജ് ബി ഷെട്ടി മലയാളി സിനിമാ പ്രേമികള്‍ക്കിടയിലും പ്രശസ്തനായത്.
കടല്‍ സംഘര്‍ഷത്തിന്റെ കഥ പറയുന്ന കൊണ്ടലില്‍ ഷബീര്‍ കല്ലറയ്ക്കല്‍, നന്ദു, മണികണ്ഠന്‍ ആചാരി, പ്രമോദ് വലിയനാട്, ശരത് സഭ, അഭിറാം രാധാകൃഷ്ണന്‍, പി എന്‍ സണ്ണി, സിറാജുദ്ദീന്‍ നാസര്‍, നെബിഷ് ബെന്‍സണ്‍, ആഷ്‌ലീ, രാഹുല്‍ രാജഗോപാല്‍, അഫ്സല്‍ പി എച്ച്, റാം കുമാര്‍, സുനില്‍ അഞ്ചുതെങ്ങ്, രാഹുല്‍ നായര്‍, ഉഷ, കനക കൊനശനദ്, ജയ കുറുപ്പ്, പുഷ്പകുമാരി എന്നിവരും വേഷമിട്ടിട്ടുണ്ട്. ഓണം റിലീസായി സെപ്റ്റംബറില്‍ ഈ ചിത്രം പ്രേക്ഷകരുടെ മുന്നിലെത്തും.
റോയ്‌ലിന്‍ റോബര്‍ട്ട്, സതീഷ് തോന്നക്കല്‍, അജിത് മാമ്പള്ളി എന്നിവര്‍ ചേര്‍ന്ന് രചിച്ച ഈ ചിത്രത്തിന് ഛായാഗ്രഹണം നിര്‍വഹിച്ചത് ദീപക് ഡി മേനോന്‍, സംഗീതം- സാം സി എസ്, എഡിറ്റര്‍- ശ്രീജിത്ത് സാരംഗ്, ആക്ഷന്‍- വിക്രം മോര്‍, കലൈ കിങ്സണ്‍. തവാസി രാജ്, പ്രൊഡക്ഷന്‍ ഡിസൈനര്‍- വിനോദ് രവീന്ദ്രന്‍, കലാസംവിധാനം- അരുണ്‍ കൃഷ്ണ, വസ്ത്രാലങ്കാരം- നിസാര്‍ റഹ്മത്, മേക്കപ്പ്- അമല്‍ കുമാര്‍, പ്രൊഡക്ഷന്‍ കണ്‍ട്രോളര്‍- ജാവേദ് ചെമ്പു, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, പിആര്‍ഒ- ശബരി.
Recent Comments