മാളികപ്പുറം ടീം വീണ്ടും ഒന്നിക്കുന്ന സുമതി വളവിന്റെ ഓവര്‍സീസ് വിതരണാവകാശം സ്വന്തമാക്കി ദി പ്ലോട്ട് പിക്‌ചേഴ്‌സ്. ഹോളിവുഡ് ചിത്രങ്ങളടക്കം തീയേറ്ററില്‍ എത്തിക്കുന്ന വിതരണ കമ്പനിയാണ് ദുബായില്‍ പ്രവര്‍ത്തിക്കുന്ന ദി പ്ലോട്ട് പിക്‌ചേഴ്‌സ്. റെക്കോര്‍ഡ് തുകയ്ക്കാണ് സുമതി വളവിന്റെ വേള്‍ഡ് വൈഡ് ഡിസ്ട്രിബ്യൂഷന്‍ അവകാശം പ്ലോട്ട് പിക്‌ചേഴ്‌സ് സ്വന്തമാക്കിയിരിക്കുന്നത്. മലയാള സിനിമയുടെ ഓവര്‍സീസ് അവകാശം ഷൂട്ട് തുടങ്ങുന്നതിനു മുന്‍പേ വിറ്റു പോകുന്ന അപൂര്‍വം ചിത്രങ്ങളില്‍ ഒന്നായി മാറുകയാണ് സുമതി വളവ്. ഇന്‍ഡിവുഡ് ഡിസ്ട്രിബൂഷന്‍ കമ്പനി വഴി സുമതി വളവ് ചിത്രം ദി പ്ലോട്ട് പിക്ചേഴ്സിന്റെ ആഗോള വിതരണത്തിലേക്കെത്തുമ്പോള്‍ മലയാള സിനിമാ മേഖലയില്‍ ശക്തമായ ചുവടുവെപ്പിന് തയാറാകുകയാണ് ദി പ്ലോട്ട് പിക്‌ചേഴ്‌സ്.
പ്രേക്ഷക പ്രശംസയും തിയേറ്ററില്‍ ബോക്‌സ് ഓഫീസ് വിജയവും കരസ്ഥമാക്കിയ മാളികപ്പുറം ചിത്രത്തിന് ശേഷം അതേ ടീമൊരുമിക്കുന്ന ചിത്രമാണ് സുമതി വളവ്. അഭിലാഷ് പിള്ളയുടെ തിരക്കഥയില്‍ വിഷ്ണു ശശി ശങ്കര്‍ സംവിധാനം ചെയ്യുന്ന സുമതി വളവ്, വാട്ടര്‍മാന്‍ ഫിലിംസിന്റെ ബാനറില്‍ മുരളി കുന്നുംപുറത്താണ് നിര്‍മ്മിക്കുന്നത്. അര്‍ജുന്‍ അശോകന്‍, ശ്യാം മോഹന്‍, സൈജു കുറുപ്പ്, മാളവിക മനോജ്, ഗോപിക അനില്‍, അഖില ഭാര്‍ഗവന്‍, ലാല്‍, മനോജ് കെ ജയന്‍, ദേവനന്ദ, ശ്രീപഥ് യാന്‍, ശിവദ, അതിഥി, നിരഞ്ജന്‍ മണിയന്‍പിള്ള, ജീന്‍ പോള്‍, സിഥാര്‍ഥ് ഭരതന്‍, മനോജ് കെ യു, റോണി ഡേവിഡ്, ജയകൃഷ്ണന്‍, അനിയപ്പന്‍ തുടങ്ങിയവരാണ് ചിത്രത്തില്‍ അഭിനയിക്കുന്നത്.
സുമിതി വളവിന്റെ അണിയറപ്രവര്‍ത്തകര്‍ ഇവരാണ്. ഡിഒപി: ശങ്കര്‍ പി വി, സംഗീത സംവിധാനം: രഞ്ജിന്‍ രാജ്, എഡിറ്റര്‍: ഷഫീഖ് മുഹമ്മദ് അലി, സൗണ്ട് ഡിസൈനര്‍: എം.ആര്. രാജാകൃഷ്ണന്‍, ആര്‍ട്ട്: അജയ് മങ്ങാട്, പ്രോജക്റ്റ് ഡിസൈനര്‍: സുനില്‍ സിംഗ്, വസ്ത്രാലങ്കാരം: സുജിത്ത് മട്ടന്നൂര്‍, മേക്കപ്പ്: ജിത്തു പയ്യന്നൂര്‍, സ്റ്റില്‍സ്: രാഹുല്‍ തങ്കച്ചന്‍, ടൈറ്റില്‍ ഡിസൈന്‍: ശരത് വിനു, പോസ്റ്റര്‍ ഡിസൈന്‍: മൂണ്‍ മാമ, പിആര്‍ഒ ആന്‍ഡ് മാര്‍ക്കറ്റിങ് കണ്‍സള്‍ട്ടന്റ്: പ്രതീഷ് ശേഖര്‍.
Recent Comments