ഷെയ്ന്‍ നിഗം ചിത്രം ഇഷ്‌ക്, ടൊവിനോ നായകനായ നരിവേട്ട എന്നീ ചിത്രങ്ങള്‍ക്ക് ശേഷം നിവിന്‍ പോളിയെ നായകനാക്കി അനുരാജ് മനോഹര്‍ സംവിധാനം ചെയ്യുന്ന ശേഖരവര്‍മ്മ രാജാവ് എന്ന സിനിമയുടെ ചിത്രീകരണം ആരംഭിച്ചു. പോളി ജൂനിയര്‍ പിക്‌ചേഴ്‌സിന്റെ ബാനറില്‍ നിവിന്‍ പോളി നിര്‍മ്മിക്കുന്ന ചിത്രത്തിന്റെ തിരക്കഥയും സംഭാഷണവും എസ്. രഞ്ജിത്തിന്റേതാണ്. സോഷ്യല്‍ സറ്റയര്‍ വിഭാഗത്തിലുള്ള ചിത്രമാണ് ശേഖരവര്‍മ്മ രാജാവ്.
കളമശ്ശേരിയില്‍ നടന്ന പൂജയോടെയാണ് സിനിമയുടെ ആദ്യ ഷെഡ്യൂള്‍ ചിത്രീകരണം ആരംഭിച്ചത്. രാജകുടുംബാംഗമായ ശേഖരവര്‍മ്മയുടെ ജീവിതത്തിലൂടെ കടന്നു പോകുന്ന ഈ ചിത്രം വലിയ കാന്‍വാസിലാണ് അനുരാജ് മനോഹര്‍ ഒരുക്കുന്നത്.
അന്‍സര്‍ ഷാ ആണ് ചിത്രത്തിന്റെ ഛായാഗ്രഹണം. എഡിറ്റര്‍- കിരണ്‍ ദാസ്. ദിലീപ് ആര്‍ നാഥ് ആണ് കലാസംവിധാനം നിര്‍വഹിക്കുന്നത്. വസ്ത്രാലങ്കാരം- മെല്‍വി ജെ, ചന്ദ്രകാന്ത്, മേക്കപ്പ്- അമല്‍ സി ചന്ദ്രന്‍, ചീഫ് അസോസിയേറ്റ്- രതീഷ് രാജന്‍, പ്രൊഡക്ഷന്‍ കണ്‍ട്രോളര്‍- ശ്യാം ലാല്‍, ഡിസൈന്‍- യെല്ലോ ടൂത്ത്, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍, പിആര്‍ഒ- ശബരി.
Recent Comments