നടന്‍ നിവിന്‍ പോളി ക്കെതിരായ ലൈംഗികാരോപണത്തില്‍ വഴിത്തിരിവായി വിനീത് ശ്രീനിവാസിന്റെ വെളിപ്പെടുത്തല്‍. പീഡനം നടന്നുവെന്ന് യുവതി ആരോപിക്കപ്പെടുന്ന ദിവസം നിവിന്‍ തനിക്കൊപ്പം ഉണ്ടായിരുന്നു എന്ന് നടനും സംവിധായകനുമായ വിനീത് ശ്രീനിവാസന്‍ പറഞ്ഞു. 2023 ഡിസംബര്‍ 14ന് നിവിന്‍ ഉണ്ടായിരുന്നത് ‘വര്‍ഷങ്ങള്‍ക്കുശേഷം’ എന്ന വിനീത് ശ്രീനിവാസന്‍ സംവിധാനം നിര്‍വഹിച്ച സിനിമയുടെ സെറ്റിലാണ്. എറണാകുളം ന്യൂക്ലിയസ് മാളില്‍ ആയിരുന്നു ഷൂട്ടിങ്.
ഡിസംബര്‍ 15ന് പുലര്‍ച്ചെ 3 മണി വരെ നിവിന്‍ തനിക്കൊപ്പം ഉണ്ടായിരുന്നുവെന്നും യാഥാര്‍ത്ഥ്യം ഉടന്‍ തെളിയണമെന്നും വിനീത് ശ്രീനിവാസന്‍ പറഞ്ഞതായി ഒരു ചാനല്‍ റിപ്പോര്‍ട്ട് ചെയ്തു. ‘വര്‍ഷങ്ങള്‍ക്കുശേഷം’ സിനിമയില്‍ അവസാനഭാഗത്തായി തീയേറ്ററില്‍ വന്ന് സിനിമ കാണുന്ന ഒരു സീന്‍ ഉണ്ട്. അതായിരുന്നു ഷൂട്ട് ചെയ്തത് എന്നും വിനീത് ശ്രീനിവാസന്‍ വ്യക്തമാക്കി.
Recent Comments