മധ്യ അഫ്ഗാനിസ്ഥാനിലെ ഷിയ ഭൂരിപക്ഷ പ്രദേശത്ത് ഇസ്ലാമിക് സ്റ്റേറ്റ് തീവ്രവാദികൾ 14 പേരെ കൊലപ്പെടുത്തി. ഈ വർഷം അഫ്ഗാനിസ്ഥാനിൽ നടന്ന ഏറ്റവും മാരകമായ ആക്രമണങ്ങളിലൊന്നാണിതെന്ന് ലോക മാധ്യമങ്ങൾ റിപ്പോർട്ട് ചെയ്തു ..
ഘോർ, ദൈഗുണ്ടി പ്രവിശ്യകൾക്കിടയിൽ സഞ്ചരിക്കുകയായിരുന്ന ന്യൂനപക്ഷ ഹസാരകളെ ലക്ഷ്യമിട്ട് നടത്തിയ വെടിവയ്പ്പിൻ്റെ ഉത്തരവാദിത്തം തീവ്രവാദി സംഘടനയായ ഇസ്ലാമിക് സ്റ്റേറ്റ് ഏറ്റെടുത്തു. ആക്രമണത്തിൽ 14 പേർ മരിച്ചു ; ആറു പേർക്ക് പരിക്കേറ്റു
കാബൂളിലെ താലിബാൻ അധികൃതർ ആക്രമണം അംഗീകരിക്കുന്നതിന് മുമ്പ് വെടിവയ്പ്പിൻ്റെ ഉത്തരവാദിത്തം ഇസ്ലാമിക് സ്റ്റേറ്റ് ഏറ്റെടുത്തു. ആക്രമണത്തിൽ തങ്ങളുടെ പോരാളികൾ മെഷീൻ ഗൺ ഉപയോഗിച്ചതായി ഐഎസ് (ഇസ്ലാമിക് സ്റ്റേറ്റ്) പറഞ്ഞു, താലിബാൻ പിന്നീട് റിപ്പോർട്ട് ചെയ്തതിലും കൂടുതൽ മരണസംഖ്യയുണ്ടാക്കിയതായി അവകാശപ്പെട്ടു.
ഇറാഖിലെ ആരാധനാലയങ്ങൾ സന്ദർശിച്ച് നാട്ടിലേക്ക് മടങ്ങുകയായിരുന്ന അഫ്‌ഗാൻ ഷിയകളെ സ്വാഗതം ചെയ്യുന്നവരെയാണ് തോക്കുധാരികൾ ലക്ഷ്യമിട്ടതെന്ന് അഫ്‌ഗാൻ വിദേശകാര്യ മന്ത്രാലയ വക്താവ് നാസർ കനാനിയെ ഉദ്ധരിച്ച് ഇറാൻ വാർത്താ ഏജൻസിയായ ഐആർഎൻഎ റിപ്പോർട്ട് ചെയ്തു. കുറ്റകൃത്യത്തിന് പിന്നിൽ പ്രവർത്തിച്ചവരെ ശിക്ഷിക്കാൻ അടിയന്തര നടപടി വേണമെന്നും അദ്ദേഹം ആവശ്യപ്പെട്ടു. അഫ്ഗാനിസ്ഥാനിലെ ഇസ്ലാമിക് സ്റ്റേറ്റ് ഗ്രൂപ്പുകൾ താലിബാൻ്റെ പ്രധാന എതിരാളിയാണ്. കഴിഞ്ഞ മൂന്ന് വർഷമായി സ്കൂളുകൾ, ആശുപത്രികൾ, പള്ളികൾ, ഷിയാ പ്രദേശങ്ങൾ എന്നിവ ആക്രമിച്ചുകൊണ്ട് അവരുടെ അധികാരത്തെ വെല്ലുവിളിച്ചു.മുസ്ലിം രാജ്യങ്ങളിൽ സുന്നികളും ഷിയകളും തമ്മിലുള്ള കലാപങ്ങൾ വർദ്ധിക്കുകയാണ് .
Recent Comments