ഇന്ദ്രജിത്തിനെ കേന്ദ്രകഥാപാത്രമാക്കി റീമോ എന്റര്‍ടെയിന്‍മെന്റ്‌സ് പ്രൊഡക്ഷന്റെ ബാനറില്‍ റീമോഷ് എം.എസ്. നിര്‍മ്മിക്കുന്ന പുതിയ ചിത്രം അണിയറയില്‍ ഒരുങ്ങുന്നു. ചിത്രത്തിന്റെ പ്രീ അനൗണ്‍സ്‌മെന്റ് ടീസര്‍ പുറത്തിറങ്ങി. റീമോ എന്റര്‍ടെയിന്‍മെന്റ്‌സ് പ്രൊഡക്ഷന്റെ രണ്ടാമത്തെ ചിത്രമാണിത്. ജിതിന്‍ സുരേഷ് ടി ആണ് സംവിധായകന്‍.
ഒരു ക്രൈം ഇന്‍വെസ്റ്റിഗേഷന്‍ ത്രില്ലറാണ് ചിത്രം. പോലീസ് ഓഫീസറുടെ വേഷമാണ് ഇന്ദ്രജിത്ത് കൈകാര്യം ചെയ്യുന്നത്. അജുവര്‍ഗീസ്, വിജയരാഘവന്‍, ദിവ്യ പിള്ള, നിഷാന്ത് സാഗര്‍, റീബ മോണിക്ക ജോണ്‍ എന്നിവരാണ് മറ്റ് പ്രധാന അഭിനേതാക്കള്‍.
തിരക്കഥ ദീപു എസ്. നായര്‍, സന്ദീപ് സദാനന്ദന്‍, കോസ്റ്റിയൂം റാഫി കണ്ണാടിപറമ്പ, മേക്കപ്പ് പ്രദീപ് ഗോപാലകൃഷ്ണന്‍, കലാസംവിധാനം സാബു മോഹന്‍, സംഗീതം മണികണ്ഠന്‍ അയ്യപ്പ, എഡിറ്റര്‍ നാഗൂരന്‍ രാമചന്ദ്രന്‍, ഛായാഗ്രഹണം സൗഗദ്ധ് എസ്.യു. എന്നിവരാണ് അണിയറ പ്രവര്‍ത്തകര്‍.
Recent Comments