രോഹിത് ഷെട്ടി കോപ് യൂണിവേഴ്‌സല്‍ അവതരിപ്പിക്കുന്ന മള്‍ട്ടിസ്റ്റാര്‍ ചിത്രമാണ് സിങ്കം എഗെയ്ന്‍. ചിത്രത്തിന്റെ ട്രെയിലര്‍ റിലീസ് ചെയ്തു. 4.58 മിനിറ്റ് ദൈര്‍ഘ്യമുള്ള ഒരു ആക്ഷന്‍ പാക്ക്ഡ് ടീസറാണ് പുറത്തിറങ്ങിയത്. രാമായണവുമായി ബന്ധപ്പെടുത്തിയാണ് രോഹിത് ഷെട്ടി ഇത്തവണ തന്റെ കഥ പറയുന്നത്. നവംബര്‍ 1 നാണ് ചിത്രം തീയേറ്ററുകളിലേയ്ക്ക് എത്തുന്നത്.
അജയ് ദേവ്ഗണ്‍, രണ്‍വീര്‍സിങ്, അക്ഷയ് കുമാര്‍ എന്നിവര്‍ പ്രധാന വേഷങ്ങളിലെത്തി രോഹിത് ഷെട്ടി സംവിധാനം ചെയ്ത ചിത്രങ്ങളായിരുന്നു സിങ്കം, സിങ്കം റിട്ടേണ്‍സ്, സിംബ, സൂര്യവംശി. പുതിയ ചിത്രത്തില്‍ അജയ് ദേവ്ഗണ്ണിനൊപ്പം രണ്‍വീറും അക്ഷയ് കുമാറും ദീപിക പദുകോണും ടൈഗര്‍ ഷ്‌റോഫും ചിത്രത്തിലെ പ്രധാന താരങ്ങളെ അവതരിപ്പിക്കുന്നു. അര്‍ജുന്‍ കപൂറാണ് വില്ലന്‍ കഥാപാത്രത്തെ അവതരിപ്പിക്കുന്നത്. ജാക്കി ഷ്‌റോഫ്, ദയാനന്ദ് ഷെട്ടി, കരീന കപൂര്‍, ശ്വേത തിവാരി, രവി കിഷന്‍ എന്നിവരും അഭിനയിക്കുന്നു.
ഛായാഗ്രഹണം ഗിരീഷ് കാന്ത്, റാസ ഹുസൈന്‍ മേത്ത, എഡിറ്റിംഗ് ബണ്ടി നാഗി, സംഗീതം രവി ബസ്രൂര്‍, പ്രൊഡക്ഷന്‍ കമ്പനികള്‍ റിലയന്‍സ് എന്റര്‍ ടൈന്‍മെന്റ് ജിയോ സ്റ്റുഡിയോസ്, രോഹിത് ഷെട്ടി പിക്‌ചേഴ്‌സ്, ദേവ്ഗണ്‍ ഫിലിം സിനര്‍ജി,
2011 ലാണ് സൂര്യയുടെ സൂപ്പര്‍ഹിറ്റ് ചിത്രമായ സിങ്കം രോഹിത് ഷെട്ടി റീമേക്ക് ചെയ്യുന്നത്. 40 കോടി മുതല്‍ മുടക്കിലെടുത്ത ചിത്രം 150 കോടിയാണ് ബോക്‌സ് ഓഫീസില്‍ നിന്നും വാരിയത്. പിന്നീട് 2014 ല്‍ സിങ്കം റിട്ടേണ്‍സും 2018 ല്‍ സിംബയും 2021 ല്‍ സൂര്യവംശിയും ഈ യൂണിവേഴ്‌സില്‍ പുറത്തിറങ്ങി.
സിങ്കം എഡെയ്ന്‍ എന്ന് സിനിമയുടെ ബജറ്റ് 350 കോടി രൂപയാണ്.
Recent Comments